KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Broja nga shiu në breshër, luante më shumë me Çelsin sesa me Fulhemin: A rrezikon të mos shkojë në Gjermani?

3 March 2024, 23:13Sport SHKRUAR NGA REDAKSIA VOX
Broja nga shiu në breshër, luante më shumë me Çelsin
Armando Broja

Nëse gjërat mbeten kështu si janë në këtë moment, Armando Broja nuk mund të jetë ‘arma’ e fortë e Shqipërisë në Europianin e Gjermanisë që të gjithë mendonin. Askush nuk ka dyshim në kualitetin e tij dhe gjasat janë që ai të jetë në listën zyrtare të Silvinjos, por çështja është se sa do t’i vlejë realisht brazilianit në eventin madhor të verës?

Dëmtimi i gjatë ka lënë pasojat e veta te sulmuesi dhe për të kapur formën optimale duhet të luajë rregullisht. Kjo ishte edhe arsyeja pse ai u huazua nga Çelsi te Fulhemi në merkaton e dimrit. Por, me çfarë po duket, Broja ka shkuar nga shiu në breshër.

Futbollisti 22-vjeçar luante më shumë te Çelsi se tashmë te Fulhemi. Janë vetëm 3 ndeshje, ku Broja është futur në fushë si zëvendësues te Fulhemi dhe në total bëjnë 37 minuta. Shumë pak po të shohësh se me Çelsin, Broja është aktivizuar 6 herë si titullar dhe 7 herë si zëvendësues këtë sezon dhe numëron 453 minuta e 1 gol të shënuar. Në ndeshjen e së shtunës ndaj Brajtonit u aktivizua vetëm 6 minuta në fund.

Të paktën deri tani, kalimi te Fulhemi nuk duket i goditur dhe sulmuesi kuqezi gjendet në një situatë shumë delikate. Ai shpresonte të kishte më shumë hapësirë, që Europiani i qershorit ta gjente plotësisht gati, ndërkohë po ndodh e kundërta. Sigurisht, klubi i Fulhemit ka interesin e vet të parin, skuadra po ecën mirë me titullarët që ka pasur gjatë sezonit dhe lojtari shqiptar është ende ‘mish i huaj’.

Ndoshta Brojën mund ta ndihmojnë miqësoret e marsit me Kilin dhe Suedinë për të dhënë ndonjë shkëndijë. Ai e ka treguar se është një sulmues që i zgjidh ndeshjet individualisht dhe për momentin ka nevojë për ndihmë, që mund t’ia japë fanella kuqezi.

Me Brojën e këtij momenti vështirë që Silvinjo të bëjë llogari. Sulmuesi shqiptar i momentit është Rei Manaj, i cili ashtu si Broja mungoi në kualifikuese. Mund të jenë të dy në listën e Europianit, por nëse do të jetë vetëm njëri, nuk është çudi që vendi t’i takojë Manajt.


Në përputhje me standarded JTI

Video

SHIKO KANALIN NE YOUTUBE
×