Boksieri Xhuzepe Jaka nuk di të ndalet, mposht boshnjakun me knockout

28 Nëntor 2023, 19:52Sport SHKRUAR NGA REDAKSIA VOX
Xhuzepe Jaka triumfon sërish

Parku Olimpik në Tiranë u kthye sërish në një arenë gjatë evenimentit të boksit ‘OTR Fighting Night’, teksa 11 boksierë shqiptarë u ngjitën në ring pikërisht këtë të martë për të festuar sipas mënyrës së tyre 111 vjetorin e Pavarësisë së Shqipërisë.

Ndër të parët që u ngjitën në ring ishte 17-vjeçari Xhuzepe Jaka, i cili vinte në përballjen e tij të radhës me bilancin dy fitore dhe asnjë humbje.

Edhe në këtë eveniment, Jaka pati si kundërshtar një boksier boshnjak, Ajdin Vranesic, i cili vinte në këtë duel me bilancin dy fitore dhe dy humbje.

Boksieri Xhuzepe Jaka nuk di të ndalet, mposht boshnjakun me knockout

Ashtu sikurse ndodhi përpara 10 ditësh, Jaka edhe në përballjen me Vranesic u shfaq superior, teksa arriti ta hedhë dy herë në knock down kundërshtarin e tij.

Boksieri Xhuzepe Jaka nuk di të ndalet, mposht boshnjakun me knockout

Pas herës së dytë, boshnjaku nuk mundi dot të ngrihej dhe fitorja i shkoi me knock out pikërisht Xhuzepe Jakës që në këtë mënyrë e çoi bilancin në 3 fitore, të trija me knockout dhe asnjë humbje.

 

 

Video