ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Rama njofton ndryshime në faturat e energjisë elektrike, kush preket

9 April 2022, 13:45Politikë SHKRUAR NGA REDAKSIA VOX
Rama njofton ndryshime në faturat e energjisë elektrike, kush preket
Në foto: Kryeministri Edi Rama në kongresin e Partisë Socialiste

Kryeministri Edi Rama, ka konfirmuar gjatë Kongresit të PS-së ndërhyrjen në çmimin e energjisë elektrike për një fashë të konsumatorëve.

Rama tha se 5% e konsumatorëve harxhojnë 25% të energjisë elektrike për abontët familjarë. Sipas kryeministrit Rama, përpjekjet në situata të jashtëzakonshme u kërkohet t’i bëjnë “ata që kanë më shumë”.

“Së paku, jo se do të na zgjidhë problemin, por në funksion të asaj që kemi nevojë më shumë se asnjëherë sot, sensit të shpërndarjes së barrës dhe marrjes përsipër të peshave nga kjo peshë e përbashkët, ne së shpejti do të vendosim një çmim tjetër për të gjithë ata që konsumojnë energji elektrike shumë më tepër se masa e gjerë e popullit sepse janë më të pasur.

Nuk ka gjë më normale se sa ne të shkojmë kundër rrymës të vetë sistemit për të mos lejuar që pensionistët tanë të kenë një dhimbje koke të shtuar për shkak të faturës së energjisë. Por në të njëjtën kohë, 5% e konsumatorëve që konsumojnë 25% të energjisë nuk mund dhe nuk do të vazhdojnë t’i mbajmë me të njëjtën përkujdesje siç bëjmë për pensionistët. Ai 5% do duhet të marri pjesë me para në këtë përpjekje të përbashkët sepse kjo është një situatë e jashtëzakonshme ku përpjekje e jashtëzakonshme nuk i kërkohet atyre që kanë më pak por i kërkohet atyre që kanë më shumë”, u shpreh Kryeministri Edi Rama


Në përputhje me standarded JTI

Video

SHIKO KANALIN NE YOUTUBE
×