ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Rama: Ndërtimin e godinave të drejtësisë do ta marrim përsipër vetë!

19 October 2025, 10:14Politikë SHKRUAR NGA REDAKSIA VOX
Rama: Ndërtimin e godinave të drejtësisë do ta marrim
Edi Rama

Kryeministri Edi Rama ka shprehur shqetësimin e tij për gjendjen e infrastrukturës së institucioneve të drejtësisë në vend, duke theksuar se vetëqeverisja e sistemit gjyqësor, ndonëse e nevojshme dhe e mbështetur nga reforma në drejtësi, nuk ka arritur të prodhojë transformimin e nevojshëm të infrastrukturës.

Në podkastin e tij “Flasim”, Rama shtoi se transformimi i godinave të drejtësisë është i pamundur pa projekte të besueshme, ndërsa bëri të ditur se qeveria ka vendosur ta marrë përsipër vetë këtë proces.

“Kam vënë re me keqardhje që vetëqeverisjes së drejtësisë falë pavarësisë që iu dha atij sistemi me reformën në drejtësi, ndër të çalat e veta ka edhe dobësinë e madhe në administrimin  infrastrukturës në projektimin e infrastrukturës dhe transformimin e infrastrukturës. Transformimi i infrastrukturës, i godinave pa projekte të besueshme është i pamundur. Përfundimisht, kemi vendosur që edhe këtë mision ta marrim përsipër vetë. Në Shqipërinë 2030 të kemi një infrastrukturë të transformuar të godinave të drejtësisë, sepse nuk mund të vazhdojmë me arnë dhe hapësira e mjedise gjykatash e prokurorish që janë larg të qenit dinjitoze, nuk mund të vazhdojmë më me ngushtësira që pastaj kthehet në performancë që lë shumë për të dëshiruar”, tha Rama.


Në përputhje me standarded JTI

Video

SHIKO KANALIN NE YOUTUBE
×