KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Kokalari: Ilir Meta dy ditë pas humbjes së "14 Majit" drekoi me një zyrtare të lartë të PS-së

19 May 2023, 20:17Politikë SHKRUAR NGA REDAKSIA VOX
Kokalari: Ilir Meta dy ditë pas humbjes së "14 Majit" drekoi
Evi Kokalari dhe Ilir Meta

Aktivistja shqiptare e Republikanëve në ShBA, Evi Kokalari, të cilën shpesh herë e kemi parë dhe pranë Partisë Demokratike në Shqipëri, ka hedhur akuza në drejtim të kreut të Partisë së Lirisë, Ilir Metës.

Në një postim në rrjetet sociale, Kokalari shkruan se dy burime i kanë konfirmuar që dy ditë më parë Meta ishte për drekë me kryeparlamentaren Lindita Nikollen tek 'Peshku i eger" afër stadiumit Dinamo. Ajo i bën thirrje Metës që të dalë dhe ta mohojë nëse nuk është e vërtetë, ose të tregojë se çfarë u diskutua në atë takim.

Ndër të tjera, ajo iu bën thirrje demokratëve që të mos tolerojnë asnjë të LSI-së që i sulmon vetëm se janë kundër koalicionit "Bashkë Fitojmë" me Metën. Sipas saj, shumë shpejt mbështetësit e Metës do të fillojnë sulmet edhe ndaj Sali Berishës.

“I sugjeroj të gjithë demokrateve të rithemelimit, por dhe të anës tjetër, të mos tolerojnë më sulme të degjeneratave të Ilir Metës ndaj asnjërit nga ne, madje të reagojnë ndaj këtyre, që pa pikën e turpit kanë sulmuar çdo demokrat që ka cenuar koalicionin Meta- Berisha. Mos kini asnjë dyshim që nesër këta do ti kthehen dhe Berishës, me po të njëjtin vulgaritet. Në fakt, këta janë arsyeja pse PD humbi kaq thellë, dhe si minimum duhet të mbyllin gojën, jo ti shtojnë kripë plagës.

Detyra e të gjithëve ne, të PD-se, të rithemelimit dhe të lëvizjes konservatore, është në mënyrë absolute të pastrojmë veglat e LSI nga kjo parti. Detyra e secilit është t'ja jeqim atë oksigjen që Berisha i dha LSI dhe Metës. E keni menduar ndonjëherë që heqja e vulës Berishës i interesonte më shumë Ilir Metës se sa Ramës? Rama mund të fitonte dhe vetëm duke blerë vota. Meta ishte i mbaruar dhe vetëm PD mund ta shpëtonte.  Ne të gjithë duhet të jemi larg këtij niveli vullgar dhe të degjeneruar. Dhe këtu fus dhe deputin e tyre Vasili, i cili gjithë kohën ka shpifur se jam paguar nga Veliaj, dhe pse këta të Berishës thonin JO.

Ah, dhe mos harroni Kalanë dhe disa te tjere që seriozisht i kanë ulur vlerat PD-se dhe duhen nxjerrë urgjentisht nga Partia. Mos kini asnjë mëshirë ndaj këtyre të LSI. Detyra dhe qëllimi i tyre është vetmja shkrirja dhe shkatërrimi i PD-së. Sa për Like Floririn, ta kuptoj që sa herë të lexojë një nga sulmet e tij, do postoj diçka të re mbi të. P.sh dy burime më kanë konfirmuar që dy ditë më parë Ilir Meta ishte për drekë me Lindita Nikollen tek 'Peshku i eger" afër stadiumit Dinamo. Nuk e postova më parë sepse preferoja të kisha një foto, por në mungesë të saj, le të dalë Ilir Meta dhe ta mohojë Ndryshe, të na thotë çfarë u diskutua në këtë takim dy ditë mbas 14 majit?”, shkruan Kokalari.


Në përputhje me standarded JTI

Video

SHIKO KANALIN NE YOUTUBE
×