KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Frikë nga protestat? Shtyhet prezantimi i raporteve të PS dhe PD për Reformën Territoriale që shkrin disa Bashki

21 July 2026, 20:29Politikë SHKRUAR NGA REDAKSIA VOX

Frikë nga protestat? Shtyhet prezantimi i raporteve të PS dhe PD

Të enjten, më 23 korrik, ishte lajmëruar të mbahej seanca e fundit plenare për këtë sesion parlamentar, me rend dite edhe prezantimin e raporteve të Partisë Socialiste dhe Partisë Demokratike për Reformën Territoriale.

Por në rendin e ditës së enjte publikuar nga Kuvendi i Shqipërisë për seancën e 23 korrikut, nuk është përfshirë raporti për Komisionin e Posaçëm për Reformën Territoriale, ndërsa afati i funksionimit i përfundoi në 15 korrik.

Të enjten paradite mblidhet Konferenca e Kryetarëve ku pritet të diskutohet për kalendarin e punës për periudhën 27-31 korrik dhe nëse do të ketë një tjetër seancë plenare ku do të përfshihet në rend dite edhe raporti për Reformën Territoriale, përveç ratifikimi i një marrëveshje në fushën e mbrojtjes.

Shtyrja e publikimit të raportit duket se vjen pas protestave që kanë nisur në disa qytete, pas publikimit të lajmeve për shkrirjen e disa Bashkive.

PS është deklaruar se prezantimi i raportit do të bëhet në 23 korrik, ku përveç analizës për reformën territoriale të 2014, PS do të bëjë propozimin e saj për ndarjen e territorit në bashki.

Të mërkurën pritet që PD të dorëzojë në kuvend vetëm një analizë për reformën territoriale të 2014-ës, por jo një propozim për hartën e re territoriale.

Asnjë prej raporteve nuk u prezantua në komision dhe për rrjedhojë as nuk u votuan.

E enjtja e 23 korrikut do të përcaktojë nëse raporti për Reformën Territoriale do të futet në rend dite në minutën e fundit, apo do të ketë një seancë tjetër parlamentare.

Rregullorja e kuvendit parashikon që raporti për Reformën Territoriale fillimisht do të duhet të kalojë në komision dhe më pas në seancë plenare.


Në përputhje me standarded JTI

Video

SHIKO KANALIN NE YOUTUBE
×