KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Berisha injoron Çuçin dhe Rrumbullakun, thirrje demokratëve: Më 6 Dhjetor ju pres në bulevardin "Dëshmorët e Kombit"

3 December 2022, 17:53Politikë SHKRUAR NGA REDAKSIA VOX
Berisha injoron Çuçin dhe Rrumbullakun, thirrje demokratëve:
Sali Berisha

Pavarsisht deklaratave të drejtorit të Policisë Muhamet Rrumbullaku dhe ministrit të Brendshëm, Bledi Çuçi se nuk do lejojnë që të preket perimetri i sugirsë më 6 Dhjetor kur mbahet samiti BE-Ballkani Perëndimor, ish-kryeministri Sali Berisha duket i vendosur që atë ditë të zhvillojë protestën në bulevardin "Dëshmorët e Kombit".

Përmes një video-mesazhi të publikuar në Tik-Tok, Berisha sqaron pse e ka thirrur protestën më 6 Dhjetor dhe "meritat" e tij në kohën e qeverisjes së PD.

Berisha iu bën thirrje demokratëve që të vijnë në protestë, ku krahas videos shkruan: "SShqiptarët janë shndërruar në “boat people”, ndaj dhe duam që zëri ynë të dëgjohet. Protestojmë të gjithë bashkë më 6 dhjetor, ora 12:00 në Bulevardin “Dëshmorët e Kombit”".

Mesazhi i plotë i Berishës:

Të dashur miqtë e mi të TikTok. Me këtë mesazh dëshiroj t’ju sqaroj pse kemi thirrur protestën e datës 6 dhjetor!

Kjo protestë, ditën e Samitit Europian, u thirr me qëllimin më madhor, për t’u bërë të qartë miqve në Shqipëri se Edi Rama duke shpenzuar 10-ra milionë euro dhe duke angazhuar 10-ra kompani lobimi, ka paraqitur tek ju një realitet shqiptar që nuk ekziston. E vërteta është se, sot Shqipëria është një vend në shpërbërje, nga e cila janë larguar në vitet qeverisëse të tij, më shumë qytetarë se në Siri, që po përjeton luftë civile. Shqipëria është një vend i pasur, por shqiptarët janë sot banorët më të varfër.

Kjo jo se nuk ka burime, por se burimet e tyre natyrore, pasuritë e tyre, buxheti i tyre vidhen, vidhen dhe vetëm vidhen nga qeveria. Edi Rama sot ka të gjithë pushtetet në duar. Kjo jo se ai i meritoi, por sepse ai ka vjedhur votën dhe nuk respekton vullnetin e lirë të qytetarëve. Së fundmi, vjedhjet e Edi Ramës dhe klanit të tij kanë prekur edhe qytetarët tuaj. Me Bitcoin janë vjedhur nga klani qeveritar mbi 2.2 miliardë euro. Të gjitha këto janë vetëm disa elementë të hidhur të realitetit shqiptar.

Ndaj dhe ne, si parti që përmbysëm komunizmin dhe sollëm pluralizmin, zhvilluam vlerat europiane në këtë vend. Antarësuam Shqipërinë në NATO, liberalizuam vizat dhe morëm rekomandimin për statusin e vendit kandidat. Qëndrojmë besnikë në këto vlera dhe këto parime që ndajmë me kombet e vendeve tuaja.

Kështu që jemi sot në këtë protestë, pikërisht për të ngritur zërin tonë. Se ne nuk jemi njerëz të varfër, por para së gjithash jemi të vjedhur.

Se ne nuk votojmë të lirë dhe kjo vret shpresën e shqiptarëve, i shndërron ata në “bought people”, ndaj dhe duam që zëri ynë të dëgjohet.

@prof.dr.saliberisha Shqiptarët janë shndërruar në “boat people”, ndaj dhe duam që zëri ynë të dëgjohet. Protestojmë më 6 dhjetor, ora 12:00, të gjitë bashkë, në Bulevardin “Dëshmorët e Kombit” #sb ♬ original sound - Sali Berisha

Në përputhje me standarded JTI

Video

SHIKO KANALIN NE YOUTUBE
×