ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“I vetmi vend në botë që kam ikur me lot në sy”, Yiannis Parios rikthehet në Shqipëri pas 44 vitesh

21 June 2022, 22:43Lifestyle SHKRUAR NGA REDAKSIA VOX
“I vetmi vend në botë që kam ikur me lot në sy”,
Yiannis Parios

Një lajm i mirë për të gjithë adhuruesit e muzikës greke. Një koncert pritet të zhvillohet mbrëmjen e së e mërkurës në Pallatin e Kongreseve në Tiranë me këngëtarin shumë të famshëm grek Yiannis Parios.

I ftuar në studion e “Rudina”, udhëheqësi artistik i këtij koncerti tregon me tej disa detaje të tjera interesante për të gjithë të interesuarit. Teksa flet për organizimin e eventit, Arian Sukniqi na sjell në vëmendje se kjo nuk është hera e parë që “këngëtari i dashurisë” vjen në Tiranë. Fansat e tij kujtojnë koncertin e vitit 1978.

Arian Sukniqi: Në Tiranë organizatorët e sollën meqë mbrëmë ka qenë me 17 mijë veta në Janinë në koncert. Meqenëse ishte afër Shqipërisë, e spostuan këtu për një sallë modeste. Është hera e dytë që vjen në Shqipëri, ai ka ardhur në vitin1978.

Rudina Magjistari: Ka ardhur në ‘78?

Arian Sukniqi: Po, bashkë me Marinelën, me atë grupin atëherë të organizuar nga shteti. Kur po prisja këtu më vjen një mesazh për biletë, edhe i them të lutem flasim më vonë.

Rudina Magjistari: Biletat janë të shitura të gjitha?

Arian Sukniqi: Jo, më duket në 18:30 i lirojnë edhe ato të rezervuarat, sepse s’mbajnë më, edhe deri atëherë mund të jenë edhe 62 ose 65. Kush do, duhet të shkojë t’i marrë tani ato të rezervuarat, sepse s’mbajmë përgjegjësi. Por po më thoshte që mos të më gjesh ti mua biletë? Po unë kam fjetur në rajon atë ditë, sepse çamë rrethimin.

Rudina Magjistari: Atëherë në ’78, ka fjetur në rajon, pse?

Arian Sukniqi: Po sepse nuk lejohej që të futeshin të merrnin pjesë në koncert dhe të duartrokisnin. Në një moment të caktuar, siç tregojnë ata, sepse unë kam qenë 9 vjeç, atëherë nuk mbajti më salla, është bërë nami. Ndërkohë që organizatorët thonin mbylle koncertin, këta vazhdonin pa limit fare. Shumë veta atë natë kanë fjetur në polici, sepse dolën nga korniza e famshme që ka qenë sistemi atëherë. 

Rudina Magjistari: Kështu që ai e paska një kujtim nga Shqipëria…

Arian Sukniqi: Në një telefonatë para një muaji, me shumë emocion ishte ndarë (nga Shqipëria) dhe më tha: Më ka ngelur pishman s’e kur kam ikur nga Shqipëria pashë disa njerëz kërkonin shumë nga jeta dhe nuk kishin mundësi të merrnin. Nga i vetmi vend në botë që kam ikur me lot në sy. Tani do vij prapë në këtë moshë që t’i rimarr përsëri këto emocione, sepse diçka kisha lënë mangut atëherë.


Në përputhje me standarded JTI

Video

SHIKO KANALIN NE YOUTUBE
×