KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Tragjedi në lumin e Kongos / Varka merr zjarr dhe mbytet, 50 të vdekur dhe qindra të zhdukur

16 April 2025, 20:14Kosova&Bota SHKRUAR NGA REDAKSIA VOX

Tragjedi në lumin e Kongos / Varka merr zjarr dhe mbytet, 50 të vdekur

Një varkë është përmbytur pasi u përfshi nga flakët në Kongon veriperëndimore, duke lënë të paktën 50 persona të vdekur dhe qindra të zhdukur, tha një zyrtar lokal të mërkurën.

Dhjetëra persona u shpëtuan pas aksidentit në lumin Kongo vonë të martën në mbrëmje, shumë prej tyre me djegie të rënda. Kërkimi për të zhdukurit ishte duke u zhvilluar të mërkurën nga ekipet e shpëtimit të mbështetura nga Kryqi i Kuq dhe autoritetet provinciale.

Varka prej druri me motor me rreth 400 pasagjerë u përfshi nga flakët pranë qytetit të Mbandakës, tha për Associated Press, komisioneri i lumit, Compétent Loyoko. Varka, HB Kongolo, ishte nisur nga porti i Matankumut për në territorin Bolomba.

Rreth 100 të mbijetuar u dërguan në një strehë të improvizuar në bashkinë e Mbandakës. Ata me lëndime nga djegiet u dërguan në spitalet lokale.

Incidenti filloi ndërsa një grua po gatuante në bord, tha Loyoko. Disa pasagjerë, përfshirë gra dhe fëmijë, vdiqën pasi u hodhën në ujë pa qenë në gjendje të notonin.

Aksidentet vdekjeprurëse me varka janë të zakonshme në vendin e Afrikës Qendrore, ku shpesh fajësohen udhëtimet e vona të natës dhe anijet e mbipopulluara. Autoritetet kanë pasur vështirësi në zbatimin e rregulloreve detare.


Në përputhje me standarded JTI

Video

SHIKO KANALIN NE YOUTUBE
×