KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Sveçla viziton shtëpinë e djegur të serbit në Istog dhe kërkon të gjenden gjenden sa më parë autorët

12 July 2023, 20:50Kosova&Bota SHKRUAR NGA REDAKSIA VOX
Sveçla viziton shtëpinë e djegur të serbit në Istog
Ministri i Brendshëm Xhelal Sveçla në shtëpinë e djegur të banorit serb

Ministri i Brendshëm i Kosovës, Xhelal Sveçla ka kërkuar të zbardhet sa më parë zjarrvënia në shtëpinë e një serbi banor në fshatin Veriq të Istogut.

Teksa ka vizituar shtëpinë e këtij të fundit, Sveçla ka kërkuar që të gjitha resurset e nevojshme të angazhohen në mënyrë që rasti të zbardhet sa më parë.

“Republika e Kosovës është dhe do të mbetet demokratike, vend ku jetojnë qytetarët të lirë e të barabartë, pa asnjë dallim përkatësie a prejardhje. Dhe për këto vlera do të jemi të pakompromis”, shkruan Zveçla në rrjetet sociale.

Më i ashpër ka qenë edhe reagimi i ambasadorit amerikan në Kosovë, Jeff Hovenier, i cili gjithashtu e ka vizituar shtëpinë e serbit dhe e ka dënuar fort ngjarjen.

“Kjo shtëpi në Istog ka pësuar zjarrvënie kriminale. E vizitova për ta parë vetë, me lejen e familjes, e cila synonte të kthehej në pronën e tyre. Unë e dënoj këtë sulm me zjarrvënie dhe këtë përpjekje për të frikësuar një familje që të mos ushtrojë të drejtën e tyre për t’u kthyer në shtëpinë e tyre”, ka deklaruar ambasadori amerikan.

Zjarrvënia në shtëpinë e serbit është ende pa autor.


Në përputhje me standarded JTI

Video

SHIKO KANALIN NE YOUTUBE
×