KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Një vajzë 17-vjeçare u vra nga sulmi me shpatë në një shkollë Suedi

23 August 2026, 13:04Kosova&Bota SHKRUAR NGA REDAKSIA VOX
Një vajzë 17-vjeçare u vra nga sulmi me shpatë në
Kryeministri suedez Ulf Kristersson dhe udhëheqësja e opozitës Magdalena Andersson vizituan shkollën ku ndodhi sulmi

Një vajzë 17-vjeçare u vra në sulmin vdekjeprurës me shpatë në një shkollë të mesme në Suedinë qendrore të premten, konfirmoi policia.

Dy djem të moshës 12 dhe 17 vjeç u plagosën gjithashtu rëndë në sulmin në Shkollën Brinell në Fagersta, sipas autoriteteve lokale, ndërsa një person tjetër pësoi lëndime të lehta.

Një 18-vjeçar u arrestua, por nuk është identifikuar. Policia tha se po e trajtonte rastin si vrasje dhe tentativë vrasjeje.

Kryeministri suedez Ulf Kristersson dhe udhëheqësja e opozitës Magdalena Andersson vizituan shkollën, ku janë vendosur lule në nder të viktimës, të shtunën në mëngjes.

Nxënësit në shkollë sapo ishin kthyer në klasë pas pushimeve verore kur ndodhi sulmi vdekjeprurës të premten pasdite.

Policia më vonë konfirmoi se qëlloi me armë pasi u thirr në vendngjarje, por nuk tha nëse sulmuesi i dyshuar u godit para se të ndalohej.

Transmetuesi publik i Suedisë raportoi se i dyshuari mbante një helmetë. Mediat lokale thanë gjithashtu se ai ishte një ish-nxënës.


Në përputhje me standarded JTI

Video

SHIKO KANALIN NE YOUTUBE
×