RRJEDHJE INFORMACIONI / Botohet komunikimi sekret i deputetëve socialistë për protestën

 Kliko këtu për të tjera
Voxpress:

NASA njofton ndërtimin e një baze të përhershme në Hënë, do të shërbejë për astronautët dhe misionet në Mars

21 Maj 2026, 18:30Kosova&Bota SHKRUAR NGA REDAKSIA VOX

NASA ka njoftuar planet e saj për ndërtimin e një bazë të përhershme në Hënë, si pjesë e programit Artemis. Qëllimi është prania afatgjatë e astronautëve në satelitin e Tokës dhe përgatitja e misioneve të ardhshme me pilot në Mars.

Programi i NASA-s i quajtur “Baza e Hënës” parashikon krijimin e një vendbanimi të përhershëm hënor në Polin Jugor të Hënës, ku astronautët do të jenë në gjendje të jetojnë dhe punojnë për periudha të gjata kohore, duke kryer misione shkencore dhe duke testuar teknologji.

Agjencia hapësinore amerikane pritet ta paraqesë planin në detaje më 26 maj, në një konferencë të posaçme informuese nga selia e saj në Uashington.

Gjatë fazës së parë, misioni do të përqendrohet në aksesin në sipërfaqen hënore dhe testimin e teknologjive kritike për banimin afatgjatë të njeriut. Janë planifikuar 25 lëshime dhe 21 ulje, përfshirë misionin e parë me pilot të programit të Bazës në Hënë.

Faza e dytë përfshin ndërtimin e infrastrukturës së parë në sipërfaqen hënore dhe zgjerimin e aftësive operacionale. Në këtë fazë, janë planifikuar 27 lëshime dhe 24 ulje, si dhe misione të rregullta me pilot çdo gjashtë muaj.

Faza e tretë dhe e fundit parashikon funksionimin e një baze të zhvilluar plotësisht me një prani të vazhdueshme njerëzore në Hënë. NASA planifikon 29 lëshime dhe 28 ulje, me një rritje të konsiderueshme të pajisjeve të bartura dhe sistemeve mbështetëse.

Rajoni i Polit Jugor të Hënës konsiderohet strategjikisht i rëndësishëm për shkak të pranisë së mundshme të ujit të ngrirë në krateret e fshehura përgjithmonë. Ky ujë në të ardhmen mund të përdoret për të prodhuar ujë të pijshëm, oksigjen dhe madje edhe karburant për raketa.


Në përputhje me standarded JTI

Video

SHIKO KANALIN NE YOUTUBE
×