ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Kurti: Mund të kem një takim me Vuçiç në Paris

9 November 2022, 22:26Kosova&Bota SHKRUAR NGA REDAKSIA VOX
Kurti: Mund të kem një takim me Vuçiç në Paris
Albin Kurti

Mes kryeministrit të Kosovës Albin Kurti dhe presidentit të Serbisë Aleksandër Vuçiç mund të ketë një takim në Paris.

Njoftimi është bërë nga vetë Kurti, i cili të enjten do të jetë në Francë për të marrë pjesë në Forumin e Paqes. I pranishëm në këtë aktivitet do të jetë edhe Presidenti serb Vuçiç, për të cilin Kurti thotë se mund të ketë një takim trepalësh me të.

“Nesër, pra të enjten, herët në mëngjes do të nisem për Paris për të marrë pjesë në Forumin e Paqes, bashkë me gruan time Ritën, e me ftesë të Presidentit Francez Emmanuel Macron. Përveç punimeve dhe darkës përgjatë këtij forumi prestigjioz, ndoshta mund të ketë edhe një takim trilateral me Presidentin e Serbisë i cili po ashtu është ftuar atje. Unë me vete do të kem ekipin tim gjashtëanëtarësh nga kryeministria. Jam i gatshëm sepse i përgatitur, dhe gjithnjë i interesuar, për dialog për marrëveshje, për normalizim të plotë të marrëdhënieve ndërmjet Republikës së Kosovës dhe Serbisë, me njohjen reciproke në qendër. I kemi dy propozime në tavolinë: ai imi për kornizën e përgjithshme të marrëveshjes i prezantuar në takimin e 18 gushtit 2022 në Bruksel, si dhe propozimi franko-gjerman që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne. Dialogu parimor me të tjerët, sundimi i ligjit njësoj për të gjithë, dhe, paqja e siguria në tërë territorin, shkojnë bashkë”, shkruan Kurti në Facebook.

Serbët në Kosovë janë tërhequr nga të gjitha institucionet e shtetit kosovar, duke krijuar një situatë të tensionuar në vend, sidomos në veri.


Në përputhje me standarded JTI

Video

SHIKO KANALIN NE YOUTUBE
×