KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Dhuna pas arrestimit të djalit të El Chapos, gjykata meksikane pezullon ekstradimin në SHBA

6 January 2023, 23:20Kosova&Bota SHKRUAR NGA REDAKSIA VOX
Dhuna pas arrestimit të djalit të El Chapos, gjykata meksikane
Ushtria meksikane ne terren pas dhunes

Një Gjykatë Federale në Mexico City vendosi të ndalojë ekstradimin në Shtetet e Bashkuara të Amerikës të Ovidio Guzmán, djalit të Joaquin “El Chapo” Guzmán, i cili konsiderohet si lideri aktual i kartelit famëkeq të drogës, një ditë pasi ai u arrestua në një operacion policor në Meksikën veriore që çoi në vdekjen e 29 persona.

Shtetet e Bashkuara kërkojnë ekstradimin Ovidio Guzmán për trafik droge dhe kishin vënë një shpërblim prej 5 milionë dollarësh për informacione që do të çonin në kapjen e kriminelit të shumëkërkuar të kartelit Sinaloa.

Më herët, Ministri i Jashtëm i Meksikës, Marcelo Ebrard konfirmoi se ekziston një urdhër arresti në SHBA për djalin e “El Chapo”, por shtoi se ekstradimi i mundshëm i tij nuk mund të bëhet menjëherë për shkak të disa procedurave ligjore.

Të premten, gjyqtari pezulloi gjithashtu një masë që pengonte Guzman të komunikonte me të afërmit dhe ekipin e tij ligjor.

Ovidio, i quajtur me nofkën “El Ratón” ose “Miu”, aktualisht po mbahet në një burg federal të sigurisë maksimale në Mexico City, nga ku më herët u arratis dhe babai i tij.


Në përputhje me standarded JTI

Video

SHIKO KANALIN NE YOUTUBE
×