Dështimi i negociatave, Borrell: Propozimi ynë u pranua nga Vuçiç por jo nga Kurti

21 Nëntor 2022, 16:46Kosova&Bota SHKRUAR NGA REDAKSIA VOX
Josep Borell

Josep Borell, pas takimit me Kurtin dhe Vuçiç tha se dy krerët e dy vendeve mbajnë përgjegjësi të plotë për dështimin e negociatave si dhe për çdo përshkallëzim të situatës në Veri të Kosovës. 

 “Të dy mbajnë përgjegjësi të plotë për dështimin e bisedimeve sot dhe për çdo përshkallëzim dhe dhunë që mund të ndodhë në terren. Ne parashtruam një propozim që presidenti Vuçiç e pranoi sot ndërsa kryeministri Kurti jo”, tha Borell.

Ai tha se BE-ja ka dhënë një propozim të cilin e Vuçiç e ka pranuar, por Kurti jo.

“Për hir të transparencës, ne parashtruam një propozim që mund ta shmangte këtë situatë të rrezikshme. Presidenti Vuçiq e pranoi, por për fat të keq kryeministri Kurti nuk e pranoi”, u shpreh Borell.

“Pres nga Kosova që të ndalojë fazën e ardhshme për gjobat dhe Serbia të ndalojë dhënien e targave të reja”, tha ai.

Video