KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Bisedimet në Turqi, SHBA dyshon tek Rusia: Na intereson çfarë bën, jo çfarë thotë

29 March 2022, 17:53Kosova&Bota SHKRUAR NGA REDAKSIA VOX
Bisedimet në Turqi, SHBA dyshon tek Rusia: Na intereson çfarë
Blinken me ministrin e Jashtem te Marokut

Ministri i Jashtëm i Turqisë, Mevlut Cavusoglu tha sot se “konsensusi dhe mirëkuptimi i përbashkët”, u arrit midis delegacioneve ukrainase dhe ruse për disa çështje gjatë bisedimeve në Stamboll të martën.

“Përparimi më domethënës në negociata është bërë sot,” tha Mevlüt Cavusoglu për bisedimet e ndërmjetësuara nga Turqia.

Ai përshëndeti përparimin e bërë veçanërisht në “prioritetin kryesor të arritjes së një armëpushimi sa më shpejt të jetë e mundur për të hapur rrugën për një zgjidhje të përhershme politike”.

Cavusoglu tha se çështjet më të ndërlikuara do të diskutohen në nivele më të larta, me një takim midis ministrave të jashtëm rusë dhe ukrainas për të bërë rregullimet përfundimtare në qasjen e përbashkët.

Ndërkohë Sekretari amerikan i Shtetit, Antony Blinken, tha se nuk ka parë shenja që bisedimet mes dy vendeve “të lëvizin para në një mënyrë efektive”, sepse SHBA nuk ka parë “shenja reale serioziteti nga Rusia”.

“Është ajo që thotë Rusia dhe ajo që bën Rusia. Ne jemi të përqendruar tek kjo e fundit”, tha Blinken në një konferencë të përbashkët me ministrin e Jashtëm maroken, Nasser Bourita.

Blinken paralajmëroi që deklaratat e Rusisë për të reduktuar sulmet përreth Kievit, mund të jenë një mënyrë në të cilën Rusia të përpiqet edhe një herë që të shmangë vëmendjen dhe të mashtrojë njerëzit në atë që po bën në të vërtetë.

“Nëse ata mund të mendojnë një përpjekje për të nënshtruar “vetëm”, në thonjëza, pjesën lindore dhe jugore të Ukrainës, edhe një herë ata janë duke gënjyer veten”, tha Blinken.

Blinken i bëri thirrje Rusisë që “t’i japë fund agresionit, të ndalojë së sulmuari, të tërheqë forcat e saj dhe natyrisht të përfshihet në bisedime”.


Në përputhje me standarded JTI

Video

SHIKO KANALIN NE YOUTUBE
×