Gazetari: Pazari i kullës me Berishën dhe një grup mediatik (TV KLAN), historia më e rëndë e shitjes së opozitës në 30 vitet e fundit

Nga Habjon Hasani

Një falenderim (i munguar) për Altin Goxhaj

Në disa raste të përsëritura, Goxhaj më ka zhgënjyer pozitivisht.

Kulmi duhet të ketë qenë fushata e "Ne Tirana" e ish-kandidatit Bojaxhiu të cilën asokohe e mbështeta me shpirt.
Goxhaj më kundërshtoi, me tha se jane projekt, lëvizje taktike për të neutralizuar vota që do i shkonin Halim Kosoves, ndërsa Bojaxhiu ishte peng i një hetimi në tatime sipas tij, i nisur që në kohën e Berishës.

Kur më kundershtonte e paragjykova dhe mendova se ishte tepër i lidhur me Halim Kosovën për të pranuar alternativa të reja.

Por koha i dha te drejtë atij, sepse jo vetëm Bojaxhi rezultoi një figurinë e kapur dhe nën shantazh por dhe figurat kryesore të ingranuar në kupolë pranë tij rezultuan me kohën njerëz të dobët; ndoshta jo të shantazhueshëm me biznese por shërbetorë dyleksh, i jepen prurësit më të parë.

Koha më pas provoi si të vërtetë dhe paralajmerimin e Altin Goxhajt për Lulzim Bashën si lider i PD-së në lojë me Soros (thotë ai) por unë do thoshja në lojë me linjat e shërbimeve të dukshme e të padukshme amerikane që përcaktojnë vijat e kuqe në këtë vend.

Në Dhjetor 2022 Goxhaj nisi të fliste për një kulle, që sipas tij ishte mjeti i këmbimit që Berisha merrte me kusht që të sabotonte fushatën e Tiranës dhe premisat e opozitës.

Teza e Goxhajt është se fillimisht Berisha synoi të luante fortë në Tiranë, pa kompromise me Ramën; por shpallja e tij non-grata nga Britania ishte sinjali se po kalonte vijën e kuqe, nuk kishte të drejtë të konkuronte e të fitonte, gjithë sa i lejohej ishte të mbijetonte e të kapte nai pazar.

Duke qenë se ai Alimehmeti u rreshtua vet me Belindin pasi humbi përballë tij në primare; m'u duk e tepërt që të mbështesja tezën e Goxhajt kur i zoti hallit ishte ulur në prehërin që Goxhaj akuzonte, në prehërin e Berishës.

Mirëpo ja që koha e solli që dhe teza e Goxhajt për kullën të vihej në provë dhe befas Berishajt u kompleksuan, mediat e tyre nuk pipëtinë, sekseri i dyshuar i ujdisë Frangaj së bashku me bateritë e tij mediatike (sidomos garnizonet e kamzhikut) u mekën, u bënë VUV.

Mero Baze nga ana tjetër kishte denoncuar me informacion të brendshëm te "Të PaEkspozuarit" ujdinë e kullës disa javë më parë.

Dje doli marrëveshja e qirasë ndermjet Berishajve dhe ndërtuesit Shtufi.

Janë disa indicio që të orientojnë drejt një ujdie ku Berishajt kanë shitur opozitën për të mbajtur monopolin personal.

Ky është një nivel krejt i ri poshtërimi për opozitën, sepse tejkalon dhe tolerancat e Bashës; madje tejkalon dhe nivelin e Gjergj Bojaxhiut dhe bythëpambukëve të tij të 2015-ës.

Kjo është ndoshta historia më e fortë e telendisjes dhe korruptimit politik që ka ndodhur që pas vitit 1991 në vendin tonë.

Kjo nuk mund të jetë një histori që hetoet si "pazar kulle" por është kompromat i një niveli ekzemplar korrupsioni që përfshin të gjitha palët politike me ndërmjetës grupin më të fortë mediatik në vend që prej vitit 1998.

Nuk e di a ka SPAK-u këllqe ta hetojë këtë histori në rrënjët dhe themelin e saj, por di që Altin Goxhaj kishte këllqe ta denonconte i pari, për këtë meriton një falenderim publik.