ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Transportonin mallra kontrabandë/ Arrestohen 6 persona dhe vihen nën hetim 2 doganierë të Morinës (EMRAT)

18 June 2022, 12:01Aktualitet SHKRUAR NGA REDAKSIA VOX
Transportonin mallra kontrabandë/ Arrestohen 6 persona dhe vihen nën
Kontrabanda

Gjashtë persona janë arrestuar nga Policia e Tiranës në kuadër të operacionit policor të koduar "Free road", pasi akuzohen për transport të mallrave kontrabandë.

Në pranga janë vënë shtetasit:

- Edison Cani, 40 vjeç, banues në Tiranë, administrator i një linje transporti;
- Altin Metani, 52 vjeç, banues në Tiranë, administrator i një subjekti tregtar;
- Dorjan Zguro, 31 vjeç, banues në Tiranë, administrator i një subjekti tregtar;
- Shkëlqim Mehmeti, 42 vjeç, banues në Tiranë, administrator i një subjekti tregtar;
- Zaljon Braho, 32 vjeç, banues në Tiranë, faturino në një linjë transporti;
- Erald Lajmi, 22 vjeç, banues në Tiranë, punonjës i një poste private.

Gjithashtu janë proceduar penalisht në gjendje të lirë, shtetasit Xh. Sh. dhe S. M., punonjës të pikës doganore Morinë, Kukës, për veprën penale "Shpërdorimi i detyrës". Si dhe është shpallur në kërkim shtetasi S. B., administrator i një subjekti privat.

Burime zyrtare bëjnë me dije se në rrugën "Jordan Misja", në një parking, shërbimet e Policisë kanë konstatuar autobusin e linjës Prishtinë-Tiranë dhe shtetasit Altin Metani, Dorjan Zguro dhe Shkëlqim Mehmeti, të cilët do të merrnin mallrat, të dyshuara të futura kontrabandë në Shqipëri, nga dogana e Morinës.

Gjatë kontrollit të autobusit, në bagazh, shërbimet e Policisë kanë gjetur mallra të tjera, pa pullë fiskale. Po punohet për identifikimin dhe kapjen e personave që i kanë porositur.

Në cilësinë e provës materiale janë sekuestruar mallra të ndryshme të dyshuara të futura kontrabandë (veshje, medikamente mjekësore), autobusi dhe tre automjete.

Vijon puna për identifikimin dhe kapjen e personave të tjerë të implikuar në këtë veprimtari kriminale.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.


Në përputhje me standarded JTI

Video

SHIKO KANALIN NE YOUTUBE
×