ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Tragjedi në familjen shqiptare në Francë, 13-vjeçarja bie nga kati i 5-të dhe ndërron jetë

28 November 2022, 20:05Aktualitet SHKRUAR NGA REDAKSIA VOX
Tragjedi në familjen shqiptare në Francë, 13-vjeçarja bie
Policia franceze

Një tragjedi është regjistruar në një familje shqiptrare në Francë, pasi vajza e tyre, 13-vjeçe, është rrëzuar nga kati i pestë i një ndërtese dhe për pasojë ka ndërruar jetë.

Ngjarja ka ndodhur të shtunën në Ban-Saint-Martin (Moselle), teksa ende nuk dihet identiteti i viktimës. Lajmin e ka konfirmuar për mediat franceze edhe kryebashkiaku Henri Hasser, i cili ka dhënë detaje mbi ngjarjen.

“Është një tragjedi”, tha Henri Hasser, duke mos gjetur të tjera fjalë për ta përshkruar.

Vajza ishte nxënëse e klasës së katërt në Kolegjin Jean-Bauchez. Në një intervistë për Lorraine Actu, Henri Hasser dha disa elemente të personalitetit të adoleshentit.

Sipas kryebashkiakut, vajza e re ishte më e madhja e një familjeje me origjinë shqiptare, fëmijët e së cilës janë të gjithë të arsimuar në qytet.

“Motra e saj e vogël është në klasën e gjashtë në kolegj dhe dy të fundit janë bashkë në shkollën Pagnol”, shton Hasser.

Kryebashkiaku e përshkruan më tej viktimën një vajzë “e cila ishte drejtuese e klasës së saj të katërt dhe që ishte madje ajo që përfaqësonte të gjithë delegatët e kolegjit”.

“Një fëmijë të fortë dhe dinamik”, shton më tej ai. Vdekja e vajzës së re ishte një tronditje për institucionin ku ajo u shkollua. Në kolegjin Jean-Bauchez është ngritur një njësi dëgjimi psikologjike.

Në rrjetet sociale disa prindër folën se sa e vështirë do të ishte rikthimi në shkollë për fëmijët e tyre. “Zemra e mamit mund vetëm të ngushëllojë, nuk e imagjinoj dot tmerrin që mund të përjetojë familja”, shkruan nëna e një studenti pasditen e djeshme, një ditë pas tragjedisë.


Në përputhje me standarded JTI

Video

SHIKO KANALIN NE YOUTUBE
×