KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Studentët e Universitetit të Arteve të shqetësuar nga TKOB: Ndihemi të përjashtuar dhe të diskriminuar (Letra)

25 March 2024, 22:30Aktualitet SHKRUAR NGA REDAKSIA VOX
Studentët e Universitetit të Arteve të shqetësuar nga TKOB:
Abigeila Voshtina, drejtore e TKOB

Studentët e Universitetit të Arteve Tiranë i kanë drejtuar një letër ministrit të Ekonomisë, Kulturës dhe Inovacionit, Blendi Gonxhja, për ti shprehur shqetësimin për mungesën e bashkëpunimit nga Teatri Kombëtar i Operas, Baletit dhe Ansamblit Popullor. Ata thonë se ndihen të përjashtuar dhe të diskriminuar nga politikat institucionale.

Sipas tyre, marrëveshja e bashkëpunimit mes Universitetit te Arteve, Ministrisë së Kulturës dhe TKOBAP nuk po respektohet.

Një nga shqetësimet tyre kryesore, është fakti i përfshirjes masive të studentëve të Konservatorit të Salernos dhe Foggia (Itali), “ku drejtori artistik i TKOBAP, Jacopo Sipari di Pescasseroli aderon si pedagog i klasës së dirizhimit, dhe për pasojë mosangazhimi i studentëve të universitetit tonë. Kjo sjellje e njëanshme bie ndesh si fillim me parimet kombëtare dhe më pas, me ato të barazisë dhe mundësisë për të gjithë studentët tanë”.

Sipas studentëve, duket se TKOBAP e ka më të thjeshtë “orientimin e taksapaguesve shqiptarë përkundrejt studentëve italianë sesa bashkëpunimin me Universitetin e Arteve Tiranë, i cili ndodhet jo më larg se 500 metra distancë”.

Letra e plotë:

Tiranë, më    /03/2024

Lënda: Shqetësimi i studentëve të Universitetit të Arteve Tiranë në lidhje me bashkëpunimin me TKOBAP.

Drejtuar:      Z. Blendi Gonxhja

                       Ministër i Ekonomisë, Kulturës dhe Inovacionit

Për “dijeni”: Z. Edi Rama

                      Kryeministër i Shqipërisë

                      Znj. Ogerta Manastirliu

                      Ministër i Arsimit dhe Sportit

                      Znj. Abigeila Voshtina

                     Drejtoreshë e TKOBAP

 

I nderuar Z. Blendi Gonxhja,

Nëpërmjet kësaj letre, ne, Këshilli Studentor i Universitetit të Arteve Tiranë, dëshirojmë të shprehim shqetësimin tonë mbi përqasjen e institucionit më të lartë dhe të vetëm artistik në vend, siç është Teatri Kombëtar i Operas, Baletit dhe Ansamblit Popullor. Si pasojë e kësaj qasje, ne ndihemi të përjashtuar dhe të diskriminuar nga politikat institucionale.

Duke u nisur nga fakti se, Universiteti i Arteve është i vetmi institucion i arsimit të lartë në vend i cili diplomon artistë, si dhe anasjelltas, TKOBAP institucioni i vetëm kombëtar ku këta artistë mund të aderojnë, shprehim keqardhjen tonë si më poshtë:

Marrëveshja e bashkëpunimit të nënshkruar mes Universitetit te Arteve, Ministrisë së Kulturës dhe TKOBAP e cila daton më 03/10/2019 nuk ndiqet me seriozitet nga TKOBAP.

Një nga shqetësimet tona është fakti i përfshirjes masive të studentëve të Konservatorit të Salernos dhe Foggia (Itali), ku drejtori artistik i TKOBAP, Jacopo Sipari di Pescasseroli aderon si pedagog i klasës së dirizhimit, dhe për pasojë mosangazhimi i studentëve të universitetit tonë. Kjo sjellje e njëanshme bie ndesh si fillim me parimet kombëtare dhe më pas, me ato të barazisë dhe mundësisë për të gjithë studentët tanë.

Mesa duket, TKOBAP e ka më të thjeshtë orientimin e taksapaguesve shqiptarë përkundrejt studentëve italianë sesa bashkëpunimin me Universitetin e Arteve Tiranë, i cili ndodhet jo më larg se 500 metra distancë.

Studentët e Universitetit të Arteve të shqetësuar nga TKOB:Studentët e Universitetit të Arteve të shqetësuar nga TKOB:

Përpos këtij fenomeni, një sërë aspektesh janë bërë tashmë shqetësuese për ne. Publikimi i audicioneve te TKOBAP publikohet fillimisht ne profilin e rrjetit social të drejtorit artisik, Jacopo Sipari, në gjuhën italiane, duke rënë ndesh me mospublikimin në të njëjtën kohë  në faqen zyrtare të TKOBAP.

Studentët e Universitetit të Arteve të shqetësuar nga TKOB:

Kjo qasje nuk na duket aspak serioze duke krijuar kushte dhe hapësira për diskutim rreth kritereve të cilat shpeshherë rezultojnë kontradiktore dhe të personalizuara.

Duke u ndodhur në këto kushte, ne ju drejtohemi me disa kërkesa mbi vlefshmërinë morale, juridike dhe profesionale të këtyre politikave që TKOBAP ndjek:

1.   Sa të ligjshme janë njoftimet për vendet e reja të punës, të ofruara edhe për kandidatë të huaj?

2.   A janë kontratat e punës me kohë të plotë për artistët e huaj të ligjshme, duke ju referuar Ligjit dhe Kushtetutës së Shqiperisë?

3.   Sa i ligjshëm është njoftimi për vendet vakante në faqen personale të drejtorit artistik Jacopo Sipari në gjuhën italiane, duke qenë se kjo nuk paraqitet si nje shtojcë e faqes zyrtare të TKOBAP, i cili në dijenin tonë është i vetmi burim zyrtar?

4.   A behet punësimi pranë TKOBAP me kërkesa të njejta për nivelin e studimit për secilin vend pune?

5.   A janë ata zotërues të minimalisht nivelit B2 të gjuhës shqipe?

Me besimin se ju do të merrni në vëmendje dhe shqyrtim shqetësimin tonë, ju falenderojmë për kohën tuaj.

Me respekt,

Këshilli Studentor i Universitetit të Arteve Tiranë.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×