KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

"Sot mbledhim 90% të mbetjeve", Rama vlerëson Jorgo Goron e Himarës: Ka ngrënë dru publikisht...

30 September 2022, 10:32Aktualitet SHKRUAR NGA REDAKSIA VOX
"Sot mbledhim 90% të mbetjeve", Rama vlerëson Jorgo Goron e
Edi Rama

Më shumë se gjysma e mbetjeve nuk mblidhen nga Qeveria para vitit 2013.

Kështu ka deklaruar sot Kryeministri Rama në forumin për menaxhimin e mbetjeve.

Ai tha se sot mblidhet 90% e mbetjeve ndërkohë që duhet trajtuar si problematikë e madhe edhe ky 10%.

“Kur ne e nisëm këtë rrugëtim 50% e mbetjeve mbeteshin rrugëve, i merrnin ujërat, digjeshin shumë pranë zonave të banuara.

Banorët e Kombinatit në Tiranë, ato të Elbasanit dhe Fierit, ku sot situata është krejtësisht tjetër, besoj e kujtojnë akoma se çfarë ndodhte në zonat e tyre me malin e plehrave që sillte në çdo dritare ajrin e ndotur dhe toksik. Banorët e Durrësit e kujtojnë, por fatkeqësisht kanë mbetur në vëmendje edhe të të huajve që e kanë parë në lajmet e vendeve të tyre, fushën e mbushur me vargmale plehrash në Porto Romano.

Që sot është një prej parqeve më të mëdha në vend. Sot ne jemi në 910% të grumbullimit dhe kemi akoma një sasi relativisht të vogël që mbetet e pa grumbulluar, por që duhet trajtuar si problem i madh edhe pse është e vogël”, tha Rama.

Edi Rama ka thënë se Jorgo Goro ka ngrënë dru publikisht dhe sot e ka vlerësuar, duke thënë se është bërë shembull për trajtimin e mbetjeve.

“Nuk do ishte çudi të mos ishte këtu. Ka qenë gjithmonë prezent kur ka ngrënë dru publikisht. Shembulli i Himarës është një shembull i jashtëzakonshëm. Një punë që është për t’u marrë shembull”, u shpreh sot Edi Rama.

 Një vit më parë, ishte Rama vetë që e bëri shembull publikisht Goron.

“Por përtej sezonit, kemi pamje të ndotjes që janë e përditshme, e dhimbshme, e turpshme të bashkisë Himarë, që është simboli të fjeturit gjumë përballë plehut”, tha Rama ndër të tjera një vit më parë.

 


Në përputhje me standarded JTI

Video

SHIKO KANALIN NE YOUTUBE
×