KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Serverat e muxhahedinëve u dërguan në Iran? Policia e Shtetit: Lajm i pavërtetë, nuk kanë dalë jashtë vendit

6 July 2023, 17:30Aktualitet SHKRUAR NGA REDAKSIA VOX
Serverat e muxhahedinëve u dërguan në Iran? Policia e Shtetit:
Efektivët e policisë gjatë aksionit në kampin "Ashraf 3"

Policia e Shtetit mohon se pajisjet e sekuestruara gjatë operacionit në kampin “Ashraf 3” në Manëz të Durrësit, janë dërguar jashtë shtetit.

Në disa media kanë qarkulluar lajme ditët e fundit, ku pretendohet se pajisjet kompjuterike dhe serverat që efektivët e policisë sekuestruan në Manëz “i janë dorëzuar” Iranit.

Sipas Policisë së Shtetit, një gjë e tillë shtë e pavërtetë. Pajisjet dhe serverat nuk kanë dalë nga vendi dhe janë në pritje të epskertizëz nga autoritet përkatëse në Shqipëri.

SPAK urdhëroi kontrollin në kazermat e muxhahedinëve në Manëz, pas dyshimeve se prej aty kryheshin aktivitete politike dhe sulme kibernetike ndaj Iranit. Një gjë e tillë është e ndaluar sipas marrëveshjes për strehimin e tyre, dhe e bën Shqipërinë përgjegjëse për çdo aktivitet kriminal që mund të ushtrohet prej tyre.

Njoftimi i Policisë së Shtetit:

Përgënjeshtrim në lidhje me disa lajme që qarkullojnë në media, mbi pajisjet e sekuestruara tek kampi ASHRAF 3, në Manzë, Durrës.

Policia e Shtetit prej disa ditësh, ndjek në rrjete sociale dhe në media, njoftime të ndryshme të cilat kanë të bëjnë me veprimet e kryera nga Policia, përsa i përket pajisjeve të sekuestruara në kampin ASHRAF 3, në Manzë, Durrës, më datë 20.06.2023.

Në këto njoftime bëhet me dije apo lihet të nënkuptohet, se pajisjet kompjuterike të sekuestruara në kampin ASHRAF 3, në Manzë, Durrës, më datë 20.06.2023, janë dërguar jashtë territorit të Republikës së Shqipërisë, si dhe se ka patur kontakte me shtetin iranian apo me shtetas të këtij shteti, në lidhje me to apo për më gjerë përsa u përket hetimeve që po zhvillohen nga Drejtoria për Hetimin e Krimeve Kibernetike dhe Drejtoria e Antiterrorit, në bashkëpunim me Prokurorinë e Posaçme kundër Korrupsionit dhe Krimit të Organizuar.

Përsa sipër Policia e Shtetit sqaron se:

•Asnjë nga strukturat e saj hetimore dhe të Prokurorisë së Posaçme kundër Korrupsionit dhe Krimit të Organizuar, nuk ka patur kontakte me shtetin iranian apo me shtetas të këtij shteti.

•Të gjitha pajisjet e sekuestruara janë vendosur në dispozicion të strukturës përkatëse e cila do të kryejë ekspertimet digjitale, sipas procedurës ligjore.

•Asnjë nga pajisjet kompjuterike të sekuestruara dhe asnjë material i nxjerrë nga këto pajisje, nuk është dërguar jashtë territorit të Republikës së Shqipërisë.

•Të gjitha njoftimet që qarkullojnë në rrjete sociale dhe media për sa më sipër, janë jo vetëm të rreme por dhe në raste specifike kanë qëllime të tjera të cilat shkojnë përtej informimit të publikut.

Policia e Shtetit qëndron gjithmonë në dispozicion dhe në mbrojtje të interesave të ligjshme të qytetarëve të saj dhe të kujtdo që banon në Republikën e Shqipërisë.


Në përputhje me standarded JTI

Video

SHIKO KANALIN NE YOUTUBE
×