Ngrica mbulon Rrugën e Arbrit, shoferët ankohen pse s'është hedhur kripë

Trafik i rënduar është shkaktuar sot në Rrugën e Arbrit, pasi ngricat kanë mbuluar një pjesë të aksit rrugor.

Rënia e menjëhershme e temperaturave, duket se ka kapur dhjetra shoferë të papërgatitur, me goma verore dhe pa zinxhirë.

Megjithatë, ata janë ankuar se në këtë aks mungon edhe kujdesi i institucioneve përkatëse, të cilat nuk kanë ndërhyrë për të hedhur kripë.

Vështirësia në kalim, ka bërë që trafiku të arrijë disa qindra metra.