“Kjo nuk është parë as në regjimin e Ajatollahut”, Noka: Përgjegjës kryesor për terrorin, kamikazi i Belindës
17 Prill 2026, 21:49AktualitetSHKRUAR NGA REDAKSIA VOX
Flamur Noka
Flamur Noka ka mbajtur një deklaratë për media lidhur me situatën e tensionuar nga protesta.
“Rama e ka kthyer Policinë e Shtetit në një organizatë kriminale. Drejtori i përgjithshëm i policisë, kamikazi i Belindës, Skënder Hita, do të jetë përgjegjësi kryesor për këtë terror që po ushtron ndaj qytetarëve, me urdhër të kreut të narkos”.
“Nuk është parë as në regjimin e Ajatollahut. Frika dhe paniku i Edi Ramës ka kthyer policinë në organizatë kriminale.
Panikun e kreut të narkos nuk e ndalojnë dot as këta, që janë veshur si në luftë, as ata që hedhin ujë, që tek pallati i Arlis nuk kishin ujë. Këta lëvizin në këmbë në punë sepse s’kanë lekë të blejnë karburant. Por urdhri i regjimit i detyron të përplasen. Edi Rama kujton se me terror do ti mbyllë gojën opozitës. Fundi i pret”, tha Noka.
Sakaq, gjatë protestës së opozitës në Tiranë ka mbetur i lënduar edhe një punonjës i FNSH, i cili po merr ndihmë mjekësore në Spitalin e Traumës.
Policia ka shoqëruar deri më tani 6 persona. 4 persona u shoqëruan në fillim kur nisi hedhja e molotovëve te Kryeministria.
Policia u sul menjëherë drejt grupit që kishte çantat me molotov dhe i shoqëroi. Ndërsa dy persona të tjerë janë shoqëruar më pas.
