KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

“Jam rritur komshi me arushën, në fushë me lepujt e kam të lehtë”, nëna e 7 fëmijëve nga Tropoja flet pas arrestit

28 October 2022, 20:43Aktualitet SHKRUAR NGA REDAKSIA VOX
“Jam rritur komshi me arushën, në fushë me lepujt e kam
Rudina Magjistari dhe Ajlin Alfredaj

Ajlin Alfredaj nëna e 7 fëmijëve, 6 vajzave dhe një djali, e cila më herët ka punuar në pozicionin e Agjencisë Shtetërore të Kadastrës, prej tre muajsh ndodhet në arrest shtëpie. Ajo ishte e ftuar këtë të premte te emisioni “Rudina” ku për herë të parë ka treguar se si e mori informacionin se kishte një masë sigurimi “arrest me shtëpie”, për të.

“Unë kam qenë në Velipojë, ngaqë njëra nga binjaket e vogla vuan meningjitin e kockave dhe është formë terapie që vajza të qëndrojë sa më shumë në plazh. Kam njoftuar stafin që nuk mund të kthehem në Tropojë. Më marrin në telefon nga zyra dhe më thonë drejtoreshë duhet të kthehesh. I thashë kam gjëra më të rëndësishme për të bërë, se vëllai u nis për në spital. Kur lexova me vëmendje jam shokuar, masë “sigurimi arrest me shtëpi”. Isha në kërkim dhe nuk e dija”, tha Ajlin duke treguar për “shokimin” e saj në momentin e parë që u njoh me vendimin. Sipas Ajlin Alfredaj akuza e bërë ndaj saj është akuza e pabazuar dhe se ajo është nënvlerësuar…

Rudina Magjistari: Domethënë akuza është formuluar për ty, apo jo? Për çfarë të akuzojnë Ajlin?

Ajlin Alfredaj: Prokurori më akuzon për kundërshtim të punonjësit të policisë. Organi i akuzës, duke qenë se jemi në Tropojë të gjithë, këta më kanë neglizhuar, më kanë nënvlerësuar. Këta nuk e dinë ku jam rritur. Unë jam rritur në mal, komshi me arushën dhe duke rënë në fushë me lepuj e kam shumë të thjeshtë të jetoj. Kundërshtimi i forcave të policisë, unë i kam të gjitha me audio dhe video, që nuk kam kundërshtuar asgjë, por kam audio dhe video që punonjës të policisë na vijnë në zyrë na bëjnë terror pa autorizim dhe ne u kemi kërkuar një autorizim: “Zotëri kush të autorizoi të vish në një institucion shtetëror? Me iniciativë të lirë, tha. Si me iniciativë të lirë?!”, kaq. Pas një viti u zgjuan nga gjumi, kundërshtimi është aty për aty. Prokurori e ka ngritur si akuzë shpërdorim detyre, por vetë nuk di të thotë çfarë shpërdorimi, ngre dyshime për falsifikim, por nuk thotë çfarë lloj falsifikimi.

“Gjatë arrestit në shtëpi, u diplomova për mësuesi”

“Po flas nga shtëpia. Tani që flasim jam në arrest shtëpie dhe është intervista ime e parë, dhe hera e parë që prononcohem për mediat që nga 12 Korriku. Ky arrest ka qenë edhe një dhuratë për ditëlindjen e fëmijëve, pikërisht në 12 Korrik dhe për përvjetorin tim të martesës, organi i akuzës së Tropojës më bën një dhuratë qesharake nga ana ime. Kjo ka filluar që më parë në zgjedhjet parlamentare, sajuan disa denoncime anonime dhe hodhën baltë mbi shkollimin tim. Që nga zgjedhjet parlamentare e deri tani hetojnë diplomimin tim. Mendoj se e gjithë kjo histori ka filluar për shkak të ambicies sime personale dhe ambicies sime politike për të më penguar në karrierë”, tha Ajlin duke treguar se si e priti lajmin se duhet të qendronte në arrest shtëpie.

Më tej Ajlin Alfredaj ka treguar se si ia ka shpjeguar këtë situatë fëmijëve të saj duke thënë se e kanë marrë disi me sportivitet. Gjithashtu ka treguar se kohën e arrestit në shtëpi e ka shfrytëzuar edhe për të përmirësuar veten në aspektin profesional, duke thënë se gjatë kësaj kohë ajo ka përfunduar edhe masterin e mësuesisë.

Ajlin Alfredaj: Arresti me shtëpi është masë sigurimi për të qenë në dispozicion të drejtësisë, sepse unë nuk jam një person i rrezikshëm për t’ju shmangur dhe për t’i ikur drejtësisë. Organi i akuzës më ka dhënë këtë masë sigurie për të mos i tjetërsuar provat ndërkohë që këto prova ka një vit që i ka në zyrë. Unë e respektoj absolutisht vendimin e gjykatës, qëndroj në shtëpi, njëherë në 5 ditë vjen dikush kontrollon, inspektori i zonës, nëse jam a s’jam në shtëpi. Me leje, kam të drejtë me autorizim. Unë tani kam mbaruar edhe master profesional në mësuesi, u diplomova gjatë kohës që kam qenë në shtëpi. Gjej rastin të falenderoj të gjithë profesorët për mbështetjen që më kanë dhënë!

Rudina Magjistari: U diplomove online?

Ajlin Alfredaj: Duke shkuar në universitet, me autorizimin e prokurorit. Kam frekuentuar.

Rudina Magjistari: Dhe je diplomuar gjatë kësaj kohe?!

Ajlin Alfredaj: Gjatë kësaj kohe, gjatë arrestit në shtëpi, ka qenë një kohë reflektimi për aspektin profesional.


Në përputhje me standarded JTI

Video

SHIKO KANALIN NE YOUTUBE
×