FOTO/ Detaje nga KONFLIKTI në Kamëz, qëllohet me armë drejt një makine!

Një konflikt ka ndodhur ditën e sotme në Kamëz, ndërsa raportohet se ka pasur edhe të shtëna me armë zjarri.

Ngjarja dyshohet se ka ndodhur në rrugën OSBE.

Policia ka rrethuar një automjet që ka dëmtim në xhamin e parë dhe po kryhen verifikime nëse ka dëmtim nga plumbi apo sende të tjera.

Ndërkohë nga policia është në kërkim të një makine te dytë tip ML ngjyrë të bardhë që dyshohet se është përfshirë në ngjarje.

Njoftimi i policisë:

Në Kamëz, dyshohet se për motive të dobëta janë përfshirë në konflikt dy drejtues automjetesh.

Si pasojë është dëmtuar dyshohet me sende të forta shtetasi R. V., rreth 38 vjeç, i cili ndodhet në spital, jashtë rrezikut për jetën.

Gjatë këqyrjes së vendngjarjes, është gjetur e sekuestruar një gëzhojë.

Punohet për identifikimin, kapjen e drejtuesit të automjetit tjetër të përfshirë në konflikt.

Grupi hetimor po punon për sqarimin e rrethanave të ngjarjes.