KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

EMRI/ "Po kalonte rrugën në këmbë”, viktimë e aksidentit TRAGJIK në Lushnjë, avokati i njohur!

28 October 2024, 10:06Aktualitet SHKRUAR NGA REDAKSIA VOX
EMRI/ "Po kalonte rrugën në këmbë”, viktimë
FOTO: Mariglen Koçiu

Mariglen Koçiu, personi që humbi jetën dy ditë më parë në autostradën Lushnjë-Tiranë, rezulton se është avokat i njohur.

Kolegët dhe miqtë e tij kanë ndarë mesazhe ngushëllimi në rrjetet sociale, duke reaguar me trishtim për ikjen e tij të parakohshme.

56 vjeçari rezulton se po kalonte në këmbë nga njëra anë e autostradës në tjetrën, kur është përplasur nga një makinë e drejtuar nga shtetasi, Lulzim Balilaj.

Fatkeqësisht, si pasojë e plagëve të marra nga përplasja, avokat Mariglen koçiu ka ndërruar jetë në vendngjarje. Aksidenti ka ndodhur në orën 02:00 të mëngjesit të ditës së shtunë dhe sot mësohet se viktima është avokat i njohur.

Njoftimi i policisë:

Rreth orës 02:00 të mëngjesit, në aksin rrugor "Lushnjë-Tiranë", shtetasi L. B., duke drejtuar automjetin, ka përplasur këmbësorin, shtetasin M. K., 56 vjeç, i cili si pasojë e përplasjes ka humbur jetën në vendngjarje.

Shtetasi L. B., u shoqërua në Komisariat për veprime të mëtejshme. Grupi hetimor po punon për sqarimin e plotë të rrethanave të aksidentit.

Autostrada Lushnjë-Tiranë dhe anasjelltas është një ndër pikat e zeza të aksidenteve në vendin tonë, për shkak se banorët e zonës dhe qytetarë të tjerë që duan të shkojnë nga një anë në tjetrën, nuk zgjedhin mbikalimet, por i kalojnë korsitë në këmbë, duke u bërë burim aksidenti.


Në përputhje me standarded JTI

Video

SHIKO KANALIN NE YOUTUBE
×