KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

EMRI/ Nëpërmjet mashtrimit përvetësoi 3 mln euro, arrestohet agjentja postare në Korçë, i sekuestrohen 2 makina

3 June 2023, 09:29Aktualitet SHKRUAR NGA REDAKSIA VOX
EMRI/ Nëpërmjet mashtrimit përvetësoi 3 mln euro, arrestohet
Foto ilustruese

Një agjente postare është arrestuar nga Policia e Korçës, pasi akuzohet për kryerjen e veprimtarisë së paligjshme në fushën e mashtrimit me pasoja të rënda.

Në kuadër të operacionit "Postmail" është vënë në pranga shtetsasja Alma Beqiri, 46 vjeçe, banuese në Korçë.

Pas një hetimi 2 mujor ka rezultuar se ajo përfitonte shuma të konsiderueshme monetare, duke mos arkëtuar pagesat e klientëve që merrnin shërbimin postar, tek kompania private në të cilën ishte e punësuar agjente e shërbimeve postare private.

"Nga veprimet e thelluara hetimore rezulton se kjo shtetase, gjatë periudhës 2021-2023, në të cilën ushtronte funksionin e agjentes së shërbimeve postare private në Korçë dhe Pogradec, dyshohet se nëpërmjet mashtrimit, ka përvetësuar shumën 3 000 000 euro. 46-vjeçarja, me detyrë agjente e shërbimeve postare private, shpërndante pako të ndryshme postare, për llogari të subjekteve të treta dhe shumat monetare që i arkëtonte nga klientët, nuk i ka derdhur në llogarinë e subjekteve tregtare shitëse dhe as tek kompania që kryente këtë shërbim." thuhet në njoftimin e bluve të Korçës.

Autoritet policore bëjnë me dije se shumën e konsiderueshme të përfituar, Alma Beqiri dyshohet se e ka investuar në blerjen e pasurive të paluajtshme dhe të bizneseve tregtare, në emër të vet dhe të familjarëve të saj.

Në cilësinë e provës materiale policia ka sekuestruar dy automjete, në përdorim nga 46-vjeçarja.

Policia njofton se vijon puna për identifikimin dhe vënien përpara përgjegjësisë ligjore të shtetasve të tjerë, të dyshuar të implikuar në këtë skemë mashtrimi.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×