PO NDODH/ Revolucion në PD! Doktori vendos për hapjen e partisë, sa të ajroset salla!

 Kliko këtu për të tjera
Voxpress:

Dy apartamente e një Benz luksoz, sekuestrohen pasuritë e gjirokastritit!

5 Maj 2026, 15:05Aktualitet SHKRUAR NGA REDAKSIA VOX
FOTO: Prokuroria e Gjirokastrës

Prokuroria e Gjirokastrës ka përfunduar hetimet dhe ka dërguar në gjyq sot në 5 maj një shtetas të dyshuar për pastrim parash.

Sipas organit të akuzës, bëhet fjalë për shtetasin A.B., i cili dyshohet se ka përfituar të ardhura nga aktivitete të paligjshme në Mbretërinë e Bashkuar. Këto të ardhura, sipas hetimeve, janë investuar në pasuri të paluajtshme në qytetin e Sarandës.

Janë sekuestruar dy apartamente dhe një automjet luksoz, si pjesë e pasurisë së dyshuar. Dyshohet se përmes këtyre investimeve janë kryer veprime për të fshehur origjinën e të ardhurave.

Prokuroria thekson se janë ndërmarrë hapa konkretë për të parandaluar pastrimin e parave. Në kuadër të hetimeve është vendosur sekuestro preventive mbi pasuritë e shtetasit në fjalë.

Njoftimi i Prokurorisë Gjirokastër:

Prokuroria Gjirokastër dërgon në gjyq shtetasin A.B. për ‘pastrim parash’, sekuestrohen 2 apartamente dhe makinë, të dyshuara nga veprimtari të paligjshme në Mbretërinë e Bashkuar

Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, përfundoi hetimet dhe dërgon në gjyq shtetasin A.B., i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”, kryer më shumë se një herë, parashikuar nga neni 287 i Kodit Penal.

Nga hetimet paraprake për procedimin penal nr.13, të vitit 2022, rezultoi se ky shtetas ka siguruar pasuri të paluajtshme nga të ardhurat nga veprimtaria e paligjshme në Mbretërinë e Bashkuar.

Nëpërmjet investimit në pasuri të paluajtshme në qytetin e Sarandës, si dhe blerjes së automjetit “Mercedes Benz” me të cilin ushtron aktivitetin e shërbimit “transport udhëtarësh”, ky shtetas rezultoi se ka kryer veprime financiare me qëllim shmangien nga raportimi sipas legjislacionit për parandalimin e pastrimit të parave, arsye për të cilën po procedohet penalisht.

Në funksion të hetimit, me kërkesën e Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, u caktua “Sekuestro preventive” mbi pasuritë që i përkasin shtetasit A.B. si më poshtë:

a. Pasuria e llojit “Apartament” me sip. 66.8m2, vendodhje rruga “1 Maji”, Sarandë;

b. Pasuria e llojit “Apartament” me sip. 160.7m2, vendodhje rruga “1 Maji”, Sarandë; dhe

c. Autoveturë “Mercedes Benz”.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Gjirokastër, shpreh angazhimin e plotë për vijimin e hetimeve të grup-veprave që lidhen me pasurimin e paligjshëm nëpërmjet marrjes së masave për sekuestrimin dhe konfiskimin e tyre.


Në përputhje me standarded JTI

Video

SHIKO KANALIN NE YOUTUBE
×