KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

DETAJET/ Rrëmbyen, dhunuan dhe lanë pa ndjenja në rrugë 40-vjeçarin, arrestohet personi i pestë!

3 December 2023, 10:42Aktualitet SHKRUAR NGA REDAKSIA VOX

DETAJET/ Rrëmbyen, dhunuan dhe lanë pa ndjenja në rrugë

Një 40-vjeçar është arrestuar nga policia e Vlorës pasi akuzohet se ka dhunuar me sende të forta duke e plagosur rëndë një shtetas, ngjarje e ndodhur në fillim të këtij viti.

Policia thotë se në kuadër të operacionit të koduar “Sundimi i ligjit” në pranga përfundoi Alfred Ndoj, i cili është edhe personi i pestë dhe i fundit që arrestohet nga policia për pengmarrjen dhe dhunimin barbar të një shtetasi, më 19 janar 2023.

Kujtojmë se,, u mbajt peng me forcë në automjet nga Pjeter Ndoj, Astrit Ndoj, Alfred Ndoji ( 3 vëllezër), si edhe dy djemtë e Astritit, konkretisht shtetasit Aleksander Ndoj dhe Anton Ndoj.

Ata dyshohet se kanë përplasur me dashje automjetin që ku udhëtonte i dhunuari dhe  më pas e kanë futur në makinën e tyre.

Pasi e kanë plagosën rëndë me sende të forta, 5 familjarët e lanë pa ndjenja në rrugë Gentian Omerin dhe u larguan.

Më herët janë arrestuar edhe Pjeter Ndoj 30 vjeç (me precedent të mëparshëm kriminal në fushën e narkotikëve), Astrit Ndoj, 44 vjeç dhe dy djemtë e tij, 21-vjeçari Aleksander Ndoj dhe  21 vjeçari Anton Ndoj.

Vijon operacioni policor i koduar “Sundimi i ligjit”, për kapjen e shtetasve të shpallur në kërkim për vepra të ndryshme penale. Bashkëpunëtor për pengmarrjen e një shtetasi dhe për plagosjen e tij me sende të forta, ndalohet 40-vjeçari i shpallur në kërkim. Ndalimi i 40-vjeçarit, rezultat i koordinimit të informacioneve dhe bashkëpunimit ndërmjet Sektorit kundër Krimeve të Rënda ndaj Jetës dhe Pronës të DVP Vlorë dhe Policisë së Lezhës.

Si rezultat i administrimit të menjëhershëm të informacioneve të siguruara nga inteligjenca policore, për vendndodhjen e shtetasit të shpallur në kërkim në kuadër të operacionit policor të koduar “Pengmarrja”, të zhvilluar nga Policia e Vlorës, më datë 19.01.2023, si dhe i shkëmbimit të tyre me shërbimet e Policisë së Lezhës, u bë i mundur, në kuadër të operacionit policor kombëtar “Sundimi i ligjit”, ndalimi i shtetasit A. N., 40 vjeç.

Gjykata e Shkallës së Parë e Juridiksionit të Përgjithshëm Sarandë i ka caktuar 40-vjeçarit masën e sigurisë “Arrest në burg”, për veprat penale “Heqja e paligjshme e lirisë” dhe “Plagosja e rëndë me dashje”, të kryera në bashkëpunim.

Përmbledhja e rastit: Më datë 19.01.2023, shtetasi A. N. dhe 4 shtetas të tjerë (të arrestuar nga Policia e Vlorës, gjatë operacionit “Pengmarrja”), për motive të dobëta, kanë mbajtur me forcë, në automjet, shtetasin G. O., e kanë plagosur atë rëndë, me sende të forta, dhe më pas e kanë lënë pa ndjenja, në rrugë. Materialet procedurale i kaluan Prokurorisë Gjykatës së Shkallës së Parë e Juridiksionit të Përgjithshëm Sarandë, për veprime të mëtejshme.


Në përputhje me standarded JTI

Video

SHIKO KANALIN NE YOUTUBE
×