KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Arrestimi i Liamit në BBVIP, zyrtari i policisë justifikohet: Sistemi nuk e kapi në Rinas, kishte pasaportë gjermane

4 March 2024, 22:48Aktualitet SHKRUAR NGA REDAKSIA VOX
Arrestimi i Liamit në BBVIP, zyrtari i policisë justifikohet: Sistemi
Liam Osmani

Alket Shatro, zv/drejtori për hetimin e krimit të organizuar dhe krimet e rënda, i ftuar në Top Story sqaroi arrestimin e banorit të Big Brother VIP, Liam Mandiaro.

Sipas Shatros, Liami kur ka kaluar aeroportin në Rinas, pra që ka hyrë në Shqipëri, sistemi nuk ka punuar. Ai ka hyrë në Shqipëri si shtetas gjerman, për herë të parë që nga dhënia e vendimit, për të cilin ai nuk kishte dijeni.

“Më datë 4.5.2022, prokuroria ka dërguar një urdhër për ekzekutimin e vendimit penal për shtetasin Liam Osmani. Me të ardhur urdhri është bërë shpallja në kërkim. Ka pasur një dënim të formës së prerë, si një qytetar dhe shtetas gjerman. Ka përdorur sistemin elektronik kur ka hyrë në Rinas dhe në atë moment ky sistem nuk ka gjeneruar alert. Në këtë rast nuk ka dështuar sistemi. Ky shtetas nuk është shpallur në kërkim ndërkombëtar”, tha Shatro.

Ori Nebiaj: Unë kam kaluar vetë në Rinas dhe mi kanë mbajtur me shënim të dhënat sepse nuk ka punuar sistemi

“Sistemi ka funksionuar në atë kohë kur ka kaluar ai, por nuk e ka kapur”, tha Shatro.

“Liam Osmani ka bërë daljen me pasaportën shqiptare, në 2019. Në 2022 ka marrë vendim të formës së prerë, ku është dënuar me burg. Më parë ka lënë shtetësinë dhe në datë 27.02 ka hyrë në Shqipëri si shtetas gjerman, por që përdorej për herë të parë nga ky shtetas”.

Ndërkohë, gazetarja Dorjana Bezat ka ndarë detaje nga vendimi i gjykatës.

Në vendim Liami gjykohet si një shtetas shqiptar, edhe pse nga viti 2019 ka marrë shtetësinë gjermane.

“Shtetësinë gjermane e ka marrë në vitin 2019 dhe gjykohet nga Gjykata si shtetas shqiptar. Nuk ka qenë në dijeni për akuzat. Në vendim thuhet rrezikshmëri relativisht e lartë dhe nuk ka shpallje për kërkim ndërkombëtar nga prokuroria. Gjykata tre vite me vonesë. Njoftimet janë dërguar në adresën që nuk figuron”, tha gazetarja.

Liam Osmani rezulton i dënuar me 2 vjet e 6 muaj burgim për veprën penale "Mashtrimi", pasi në vitin 2019, nëpërmjet mashtrimit, ka përvetësuar 17 bileta turistike për në Gjermani, për të cilat nuk ka kryer pagesat përkatëse. Për rrjedhojë, një ditë pasi Liami u bë pjesë e BBV Albania, policia hyri brenda shtëpisë më të famshme në Shqipëri dhe e arrestoi.


Në përputhje me standarded JTI

Video

SHIKO KANALIN NE YOUTUBE
×