Akuzon mediat për lajme të rreme, por Rama shpërndan vetë një foto të rreme

Kryeministri Edi Rama ka shpërndarë sot një foto të rreme duke rënë pre e mashtrimit.

Edhe pse shpesh akuzon mediat për lajme të rreme, një gjë të tillë e ka bërë edhe vetë.

Rama shpërndau në orët e pasdites foton një arushe me të vegjlit e saj, duke shkruar se ndodhej në bjeshkët e Tropojës. Por pas një kërkimi të thjeshtë, rezultoi se fotoja është shkrepur në Poloni.

Më pas kryeministri Rama e fshiu foton nga rrjetet sociale.

Por ky nuk është rasti i parë që Edi Rama ka shpërndarë lajme të rreme nga faqja e tij personale në rrjetet sociale.