ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Rama fton shoqërinë civile të ndërmjetësojë dialogun me protestuesit: Gati të ulemi kur të doni, pa kushte

19 October 2026, 13:32Politikë SHKRUAR NGA REDAKSIA VOX
Rama fton shoqërinë civile të ndërmjetësojë
Edi Rama

Kryeministri Edi Rama ka ftuar organizatat e shoqërisë civile të marrin nismën për dialog mes qeverisë dhe protestuesve, duke garantuar se është i gatshëm të ulet në bisedime në çdo kohë, në çdo vend dhe pa kushte. Por ftesën e ka shoqëruar me një kërkesë të drejtpërdrejtë: organizatat të distancohen nga dhuna gjatë protestave, zjarrvëniet ndaj institucioneve dhe keqpërdorimi i të miturve.

Reagimi vjen pasi mbi 20 organizata të shoqërisë civile u bënë thirrje përfaqësuesve të politikës dhe drejtuesve të shtetit të shmangin retorikën nxitëse, të krijojnë hapësirë për dialog dhe të mbrojnë të drejtën e protestës paqësore, jetën dhe dinjitetin e çdo personi.

“Respektimi i të drejtës së protestës paqësore. Mbroni jetën dhe dinjitetin e çdo personi. Asnjë jetë nuk duhet vënë në rrezik”, thuhet në tekstin e firmosur nga organizatat, mes të cilave janë Civil Rights Defenders Shqipëri, SCiDEV, Rrjeti AWEN, BIRN Albania, Citizens.al, Qendra Amfora dhe Unioni i Gazetarëve Shqiptarë.

 Rama ka publikuar në Facebook një pjesë të deklaratës së tyre, duke u kërkuar të japin vetë shembullin e dialogut. Në të njëjtën kohë, ai ka mbrojtur qëndrimin e policisë, duke argumentuar se protestuesit paqësorë rrezikohen nga personat e dhunshëm dhe jo nga forcat e rendit.

Postimi i plotë i kryeministrit Edi Rama:

“Jepeni ju të parët shembullin e dialogut dhe për sa i takon qeverisë ne do të jemi aty.

E ndërkohë distancohuni qartë nga dhuna, gurët, zjarrvënia e institucioneve, keqpërdorimi i të miturve, që të ndihmoni kësisoj edhe protestuesit paqësorë të ushtrojnë të drejtën e tyre, e cila nuk rrezikohet nga policia po nga dhunuesit që i prijnë maskaradës pseudo-studentore.

Dhe po, të respektojmë të gjithë bashkë të drejtën e protestës paqësore - nga dhunuesit në krye të protestës!

Ta mbrojmë të gjithë bashkë jetën dhe dinjitetin e çdo personi - nga dhuna dhe manipulimi!

Asnjë jetë nuk duhet vënë në rrezik dhe asnjë lojë nuk duhet bërë me jetën e vendit.

Bujrum, DIALOG. Ku të doni. Kur të doni. Pa kushte.”

Rama fton shoqërinë civile të ndërmjetësojë


Në përputhje me standarded JTI

Video

SHIKO KANALIN NE YOUTUBE
×