ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Kuvendi paraqet ish-diktatorin Hoxha si Hero të Popullit/ Deputetët e Opozitës: Tallje!

6 October 2025, 14:15Politikë SHKRUAR NGA REDAKSIA VOX
Kuvendi paraqet ish-diktatorin Hoxha si Hero të Popullit/ Deputetët e
Niko Peleshi/ Enver Hoxha

Instituti Parlamentar ka bërë publikë emrat e disa personaliteteve kombëtare që do të nderohen gjatë muajit tetor, por ajo që ka shkaktuar debat të fortë është përfshirja e ish-diktatorit Enver Hoxha në këtë listë.

Vendimi mban firmën e kryetarit të Kuvendit, Niko Peleshi, i cili e ka renditur Hoxhën përkrah figurave të mëdha të letërsisë dhe historisë shqiptare, si Dritëro Agolli, Naim Frashëri dhe Sulejman Delvina.

Përfshirja e udhëheqësit komunist që mbajti Shqipërinë të izoluar për 45 vite, duke burgosur dhe internuar mijëra qytetarë, është parë si një fyerje e rëndë për viktimat e diktaturës. Kritikët e cilësojnë vendimin si dëshmi të nostalgjisë së thellë që një pjesë e mazhorancës socialiste mban ende për epokën e errët të komunizmit.

Ajo që ka ngjallur më shumë zemërim është përshkrimi zyrtar që Kuvendi i Shqipërisë i bën Hoxhës, duke e quajtur “Udhëheqës i Luftës Antifashiste Nacional Çlirimtare”, “Hero i Popullit” dhe “Hero i Punës Socialiste”.

Kuvendi paraqet ish-diktatorin Hoxha si Hero të Popullit/ Deputetët e

Vendimi tashmë ka ndezur një tjetër debat të nxehtë mbi mënyrën se si qeveria e sotme po trajton trashëgiminë e diktaturës komuniste.

Ky fakt është denoncuar edhe nga deputeti i Partisë Mundësia, Erald Kapri, i cili ka deklaruar se kjo është tallje dhe se do ti kërkonte Kuvendit të tërheqë menjëherë atë dokument dhe të kërkojë ndjesë.

Reagimi i Erald Kaprit:

Po si mund të talleni në këtë formë?

Si ka mundësi, që në materialin e dërguar mbi personalitetet kombëtare, vendosni edhe Enver Hoxhën, e madje si udhëheqës i vlerësuar me tituj?

Si mundet që Kuvendi i Shqipërisë u kërkon deputetëve të respektojnë ish diktatorin që është përgjegjës për mijëra të vrarë, burgosur, internuar?

I kërkova Kuvendit të tërheqë menjëherë atë dokument dhe të kërkojë ndjesë!


Në përputhje me standarded JTI

Video

SHIKO KANALIN NE YOUTUBE
×