Do të ketë zgjedhje të parakohshme? Flet Blendi Klosi

Sekretari i Përgjithshëm i Partisë Socialiste, Blendi Klosi, në emisionin "Të Paekspozuarit", ka hedhur poshtë zërat për zgjedhje të parakohshme për të cilat u shpreh se nuk ka asnjë arsye që ky proces të përshpejtohet.

“Nuk kemi asnjë arsye që PS të shkojë në zgjedhje të parakohshme e para se s’gjejmë arsye të prishim rendin e zgjedhjeve. Pastaj mos të harrojmë se nga afër shtator- tetor fillon hapësira e zgjedhjeve që shkon maksimalisht në prill- maj të vitit tjetër, pra s’ka asnjë arsye për zgjedhje të parakohshme.

Na duhet të përfundojmë reformën zgjedhore, kodin elektoral, të përgatitemi për zgjedhjet, votën e emigrantëve, mundësinë  e shtrirjes së votimit elektronik. Votën e  emigrantëve e kemi vënë në kod, por duhet dakordësi politike. Ajo votë është në kod”, tha Klosi.