Çfarë ndodhi? Bardhi dhe Melinda shtyjnë koncertin në Preshevë: Keqkuptim me policinë

Këngëtarët Bardhi dhe Melinda Ademi kanë shtyrë koncertin në ‘Stadiumin e Qytetit’ në Preshevë ditën e sotme (6 gusht).

Ata njoftuan se i është anuluar performanca për shkak të "keqkuptimeve me policinë", por pa dhënë më tepër detaje.

“Mbrëmja në Preshevë që ishte paraparë të mbahet sonte do të shtyhet për disa ditë”, nis postimi i Bardhyl Idrizit, i njohur si Bardhi.

“Unë dhe Melinda me dëshirën më të madhe ishim duke ardhur, edhe me riskun tonë. Por mbrëmja u shty për shkak të disa keqkuptimeve me policinë e shtetit”, shtoi ai.

I njëjti tha se në vijim do të zbulojë datën e saktë kur do të jenë sërish para publikut në Preshevë.

“Nesër në mëngjes ju informojmë për datën tjetër që do të mbahet këto ditë. Ju duam shumë”.

Ata këtë kohë janë të angazhuar me mbrëmje e koncerte përreth trojeve shqiptare.

Njoftimi i Bardhit