ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Vaji ushqimor nga Serbia nuk i plotëson kriteret, tërhiqet nga tregu

3 February 2023, 18:14Kosova&Bota SHKRUAR NGA REDAKSIA VOX
Vaji ushqimor nga Serbia nuk i plotëson kriteret, tërhiqet nga tregu
Vaji

Një vaj ushqimor, i prodhuar në Serbi, ka rezultuar se nuk i plotëson kriteret për cilësinë e produktit dhe Inspektorati i Tregut në Kosovë ka vendosur ta ndalojë shitjen e produktit e ta tërheqë nga tregu. Lajmin e ka bërë të ditur këtë të premte Ministria e Industrisë.

Sipas njoftimit, laboratori i parapaketimeve në Agjencinë e Metrologjisë ka konstatuar se ky vaj nuk i plotëson kriterin e mesatares për sasi dhe “si rrjedhojë Inspektorati i Tregut, si në çdo rast tjetër ka ndërmarrë masa në përputhje me legjislacionin duke ndaluar shitjen e këtij produkti dhe tërheqja nga tregu në afat prej 15 ditësh”.

Njoftimi:

Inspektorati i Tregut në vazhdën e inspektimeve të intensifikuara ka kryer edhe inspektime lidhur me verifikimin e sasisë dhe peshës së produkteve nëpër operatorët ekonomik në Republikën e Kosovës.

Për t’a hequr çdo dyshim lidhur me peshën dhe sasinë e produkteve mostrat janë dërguar në laborator për analiza përkatëse, pas të cilave ka rezultuar se një lloj i vajit ushqimor në treg nuk i plotëson kriteret.

Raporti i verifikimit nga Agjencia e Metrologjisë së Kosovës, gjegjësisht laboratori i parapaketimeve ka konstatuar se një vaj ushqimor, i prodhuar në Serbi, nuk e plotëson kriterin e mesatares për sasi siç e parasheh rregullorja 03/2020 për produktet e parapaketuara.

Si rrjedhojë Inspektorati i Tregut, si në çdo rast tjetër ka ndërmarrë masa në përputhje me legjislacionin në fuqi në Republikën e Kosovës, respektivisht operatorit ekonomik, importues i këtij vaji , i është ndaluar shitja e këtij produkti dhe tërheqja nga tregu në afat prej 15 ditësh.

Inspektorati i Tregut i Republikës së Kosovës, në vazhdimësi kryen verifikime dhe inspektime në terren me qëllim të mbrojtjes së konsumatorit e poashtu do të vazhdojë t’a bëjë të njëjtën gjë edhe gjatë ditëve në vazhdim.
Me këtë rast ftojmë qytetarët-konsumatorë që të jenë të vëmendshëm gjatë blerjeve, dhe për çdo shkelje të të drejtave të konsumatorit, të vazhdojnë të adresojnë ankesat/njoftimet në Inspektoratin e Tregut, përmes Departamentit për Mbrojtjen e Konsumatorit në Ministri të Industrisë, Ndërmarrësisë dhe Tregtisë.


Në përputhje me standarded JTI

Video

SHIKO KANALIN NE YOUTUBE
×