ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Teksa Zelensky fliste me Trump për paqen, Rusia bombardoi Kharkivin dhe vrau 7 civilë

18 August 2025, 23:34Kosova&Bota SHKRUAR NGA REDAKSIA VOX
Teksa Zelensky fliste me Trump për paqen, Rusia bombardoi Kharkivin dhe
Sulmi rus në Kharkiv

Pikërisht kur presidenti ukrainas Volodymyr Zelensky mbërriti në Uashington, D.C., për të takuar presidentin Donald Trump në Shtëpinë e Bardhë, Rusia lëshoi një sulm me dronë duke vrarë 7 civilë.

Shtatë persona, përfshirë një fëmijë të vogël dhe një 16-vjeçar, u vranë nga një sulm me dron rus në qytetin ukrainas të Kharkiv, sipas autoriteteve lokale.

Zyrtarët ukrainas i morën sulmet si një mesazh nga presidenti rus Vladimir Putin se ai nuk ka ndërmend t'i japë fund luftës.

"Kjo është arsyeja pse Putini nuk dëshiron të ndalojë zjarrin", shkroi në Telegram Andriy Yermak, shefi i stafit të Zelensky. "Ai kënaqet duke bombarduar qytete paqësore ndërsa flet për dëshirën e tij për t'i dhënë fund luftës."

Pamjet video të pasojave të publikuara nga autoritetet lokale tregojnë një ndërtesë banimi ku katet e sipërme u shembën.

Një foto pjesërisht e turbullt e publikuar nga shërbimet e emergjencës së Ukrainës duket se tregon një zjarrfikës që mban trupin e një fëmije.

Ihor Terekhov, kryebashkiaku i Kharkiv, shkroi në Telegraph se besonte që sulmi ndaj ndërtesës civile ishte "i qëllimshëm".

"Pesë 'Shahedë' armikë iu afruan asaj nga drejtime të ndryshme dhe shënjestruan njerëz që flinin qetësisht në orën pesë të mëngjesit", tha ai, duke iu referuar dronëve të armatosur.


Në përputhje me standarded JTI

Video

SHIKO KANALIN NE YOUTUBE
×