SHBA nënshkruan marrëveshje mbrojtjeje me vlerë 142 miliard dollarë me Arabinë Saudite

Shtëpia e Bardhë tha se SHBA-të dhe Arabia Saudite kanë nënshkruar një marrëveshje shitjeje të mbrojtjes prej gati 142 miliardë dollarësh që i siguron Riadit pajisje dhe shërbime të teknologjisë së fundit nga firmat amerikane.

Shtëpia e Bardhë tha se marrëveshja e mbrojtjes është pjesë e një angazhimi investimi prej 600 miliardë dollarësh nga Arabia Saudite për SHBA-në.

Marrëveshja përfshin gjithashtu eksportet e turbinave me gaz dhe zgjidhjeve energjetike të "GE" me një total prej 14.2 miliardë dollarësh, dhe avionëve të pasagjerëve Boeing 737-8 me një total prej 4.8 miliardë dollarësh.