KRITIKU/ Eksperti i pavarur: Kryeministri gënjen, performanca e qeverisë nuk është shumë e mirë, por e shkëlqyer!

 Kliko këtu për të tjera
Voxpress:

Lufta me Iranin, tensione në Shtëpinë e Bardhë: Trump përplaset me ministrin e Mbrojtjes

6 Gusht 2026, 12:35Kosova&Bota SHKRUAR NGA REDAKSIA VOX

Presidenti i Shteteve të Bashkuara, Donald Trump, është përplasur me sekretarin e Mbrojtjes, Pete Hegseth, për shkak të mungesës së municioneve që, sipas raportimit të Washington Post, po kufizon opsionet ushtarake të Washington-it ndaj Iranit.

Duke cituar dy persona në dijeni të bisedës, gazeta amerikane shkruan se përballja ndodhi të premten në Camp David, ku Trump i kërkoi llogari Hegseth-it për rezervat e pakta të armëve, duke shprehur habinë se përse ishte lënë të besonte se problemi ishte zgjidhur.

Sipas burimeve, mungesa e raketave me rreze të gjatë veprimi dhe e interceptorëve të mbrojtjes ajrore ka qenë një nga arsyet që Trump ka hequr dorë ditët e fundit nga sulme të tjera të mëdha ndaj Iranit.

Presidenti deklaroi të hënën se kishte urdhëruar dhe më pas anuluar “sulmin më të madh që nga Lufta e Dytë Botërore”, ndërsa priste zhvillime të reja në lidhje me negociatat për Ngushticën e Hormuzit.

Raportimi thekson se, megjithëse Shtetet e Bashkuara kanë nënshkruar marrëveshje të reja për prodhimin e municioneve, përfshirë raketat Patriot, prodhimi i tyre mund të zgjasë deri në dy vjet.

Gjatë muajit të parë të konfliktit, ushtria amerikane përdori mbi 850 raketa lundruese Tomahawk, më shumë se 1 mijë raketa Patriot dhe THAAD, si edhe mbi 1 mijë e 300 raketa taktike ATACMS. Sipas burimeve të gazetës, rezervat e raketave ATACMS janë tashmë pothuajse të shteruara.

Mungesa e interceptorëve ka ndikuar edhe në mbështetjen për Ukrainën, e cila, sipas artikullit, po përballet me mungesë të sistemeve të mbrojtjes ajrore, ndërsa rezervat perëndimore janë gjithnjë e më të kufizuara.


Në përputhje me standarded JTI

Video

SHIKO KANALIN NE YOUTUBE
×