Dyshime për sabotazh ndaj gazsjellësit rus

27 Shtator 2022, 23:43Kosova&Bota SHKRUAR NGA REDAKSIA VOX
Ilustrim

Bashkimi Europian ka nisur hetimet mbi konstatimet që u kryen më herët nga Danimarka dhe Finlanda për rrjedhjet e tubacioneve Nord Stream 1 dhe Nord Stream 2 në det. Sizmologët në Suedi dhe Danimarkë kanë raportuar edhe për dy shpërthime të fuqishme në zonat e afërta ku u pa rrjedhja e gazit në det teksa kanë thënë se ato nuk kanë qenë tërmete.

Për tubacionet e Gazit Nord Stream 1 dhe Nord Strem 2 që vijnë nga Rusia Bashkimi Europian dhe Moska kanë shpenzuar qindra milionë dollarë në ndërtimin e tyre. Mbetet ende e paqartë sesi diçka e tillë mund të ketë ndodhur megjithatë mundësitë më të mëdha janë që ky të jetë një sabotazh i Moskës.

E gjitha kjo pasi marrëdhëniet mes Brukselit dhe Kremlinit janë të tensionuar për shkak të krizës energjetike që vjen si pasojë e luftën që Rusia ka nisur në Ukrainë që prej 24 Shkurtit të këtij viti.

Sipas kompanisë Nord Strem rrjedhjet e gazit kanë ndodhur nga presioni i pompimit, por në fakt në kohën kur u konstatuan rrjedhjet asnjë prej tubacioneve nuk po pomponte gaz për Europën.

Pas kësaj ngjarjeje autoritetet detare daneze kanë kufizuar transportin detar dhe kanë vendosur një zonë të vogël ndalim fluturimi.

 

Video