E GUXIMSHME / Qeveria shqiptare shpëton në çastin e fundit amerikanin me ngjyrë!

 Kliko këtu për të tjera
Voxpress:

“Oktapodi i bordeve”, si po e ngre rrjetin Besmir Beja për t’a kthyer Doganën në shërbim të vetes dhe familjes!

7 Qershor 2026, 16:06Investigim SHKRUAR NGA REDAKSIA VOX
Besmir Beja

Një individ me një të kaluar shumë të dyshimtë, i cili nga njëra anë fuste lugën, në tjetrën garuzhden, ndërkohë që kokën e kishte në tenxhere, ka arritur të emërohet në një nga institucionet më të rëndësishme të Shqipërisë, në krye të Doganës Shqiptare. Bëhet fjalë për Besmir Bejën, i cili prej më shumë se 4 muajsh po tenton që t’a kthejë Doganën në shërbim të vetes, familjes dhe bashkëpunëtorëve të tij, duke i emëruar në poste kyçe.

Beja njihet në qarqet e juristëve si “Oktapodi i bordeve”, pasi me lidhje tepër të dyshimta me disa organizata apo kompani konsulencë, ngjyente dhe shqyente nga të gjitha anët, duke mos lënë në tokë as thërrimet. Madje, nga hulumtimet e Vox News rezulton se Bejës nuk i mjaftonin 8 tentakulat, por në një vit kalendarik arrinte të kryente deri në 10 punë njëkohësisht. Ai “përdorej” nga disa pushtetarë si “qepës” i mirë i letrave, ndërkohë që hartonte edhe ato broshurat e kota që shpërndahen dhe i lexojnë vetëm ata që i shkruajnë.

Pikërisht, edhe gjatë këtyre 130 ditëve në krye të Doganës Shqiptare, Besmir Beja po “kopjon” punën në këto borde, duke tentuar që të kapë çdo tentakulë në rrethe, duke bërë emërime dhe shkarkime, duke futur duart, këmbët e hundët në çdo punë, jo për t’a rregulluar, por për t’a vjelë. Synimi i tij është kapja e çdo qindarke që futet në Doganë, njësoj siç ka bërë me bordet e famshme ku ka qenë pjesë, duke marrë dhe u paguar njëkohësisht nga shumë institucione shtetërore, njësoj si ata parazitët që rrinë e ngrohen në diell, dhe nga ana tjetër paguhen.

“Oktapodi i bordeve”, si po e ngre rrjetin Besmir Beja për

“Oktapodi i bordeve”, si po e ngre rrjetin Besmir Beja për
Faksimile: Pagesat që merrte Besmir Beja para se të emërohej në krye të Doganës Shqiptare

“Oktapodi i bordeve” kishte krijuar një rrjet të gjerë në institucionet shtetërore, duke pasur shoqëri me drejtuesit, të cilët e fusnin në bordet e famshme, jo për aftësitë, por për mënyrën sesi Beja arrinte që të zbatonte porositë që merrte. Një individ me disa shtylla kurrizore, i cili pasi bëri xhiron në disa ministri, herë si këshilltar, si sekretar i përgjithshëm, shef sektori, arriti që të kapte një nga postet më të rëndësishëm në hierarkinë e shtetit shqiptar.

Për kujtesë të lexuesve, Vox News analizoi deklaratat e pasurisë së Besmir Bejës para se të emërohej drejtor Dogane, ku rezulton se në vitin 2024 është paguar nga shumë institucione dhe shoqëri. Ai ka marrë rreth 1 mijë euro nga një program zhvillimi i SME, ka qenë në bordin e Black Sea, ku ka marrë 2 mijë euro, ndërkohë që është paguar me 6 mijë e 400 euro nga “Center for International Legal”.

Deri këtu asnjë gjë të keqe, pasi nëse ka bërë punën, është paguar, por më poshtë do të shikoni çudira, pasi nga data 1 janar 2024 deri më datë 31 dhjetor 2024, ka punuar dhe ka qenë në borde të disa institucione. Në deklaratën e pasurisë, Beja deklaron se ka qenë në bordin e Agjencisë Kombëtare të Financimit të Arsimit të Lartë, ka qenë në këshillin drejtues të Agjencisë Shtetërore të Kadastrës, ka marrë honorare nga Shkolla Shqiptare e Administratës Publike. Gjithashtu ka qenë edhe në këshillin drejtues ose bordin e KMCAP, pra të Kempit Epror.

Deri tani numëruam plot 7 paga, brenda të njëjtit vit kalendarik, por nuk mbarojnë këtu, pasi “tentakulën” e tetë e ka pasur në pagesat që ka marrë në Ministrinë e Arsimit, ku ka qenë sërish anëtar bordi. E 9-ta pagesë ka qenë në bordin e Agjencisë së Administrimit të Pasurive të Sekuestruara dhe Konfiskuara. Në atë vit, pra gjithmonë në vitin 2024, Besmir Beja, ka marrë pagë në Ministrinë e Brendshme dhe në Ministrinë e Financave, në vlerën e 2.6 milionëve. 

“Oktapodi i bordeve”, si po e ngre rrjetin Besmir Beja për
Dokument: Deklarimet e pasurisë së Besmir Bejës dhe bashkëshortes Odeta Jahaj

Ndërkohë, në të njëjtin dokument, deklarimet e pasurisë të vitit 2024, të publikuar në vitin 2025, bashkëshortja e Besmir Bejës, zonja Odeta Jahaj ka deklaruar disa dhurata monetare, në shumën prej 4 mijë eurosh.

Pagesat vijonin më pas në një qendër, në shumë 374 mijë lekë, apo nga institucionet ndërkombëtare në vlerën e rreth 14 mijë eurove. Njësoj si bashkëshorti, edhe zonja Odeta Jahaj ka deklaruar disa pagesa, teksa puna e saj kryesore është te organizata GIZ, ku ka marrë një shumë prej 1,249,441 lekë. 

“Oktapodi i bordeve”, si po e ngre rrjetin Besmir Beja për
Faksimile: Besmir Beja dhe bashkëshortja e tij kanë qenë administratorë të një shoqërie këshillimi ligjor

Vox News ka hulumtuar të tjera informacione që kanë të bëjnë me të kaluarën e Besmir Bejës, i cili duket se ka qenë mjaft aktiv në marrjen e pagesave nga disa institucione, qoftë private apo shtetërore, por edhe në administrimin e shoqërive të këshillimit ligjor.

Në vitet 2015 dhe 2016, Besmir Beja dhe bashkëshortja e tij, Odeta Jahaj, kanë qenë administrator të një shoqërie që merrej me këshillime ligjore. Kompania quhet “MODUS LEGAL SERVICES”, ku burrëe grua kanë bërë rotacion në drejtimin. Në vitin 2016, vendin e lënë bosh nga Odeta e zuri Besmiri për të vijuar më pas punën.

Sipas ekstraktit të QKB-së, firma merrej me këshillimie ligjore dhe financiare, veçanërisht këshillim në fushën e së drejtës tregtare, taksave, prokurimeve publike, koncesioneve apo privatizimet. Janë një sërë fushash që Besmiri ka kontribuar, nëse mirë apo keq, janë të tjetër që e gjykojnë.

I parashtruam faktet më sipër për të treguar se kush është drejtori i ri i Doganave Shqiptare, i cili duket se po implementon të njëjtën skemë edhe në atë dikaster. Nëse merr para’ nga disa anë, kjo mbetet për t’u faktuar nga institucionet ligjzbatuese, por fakt është se deri më tani, ai ka bërë disa veprime, duke fryrë kostot e tenderëve, duke bërë emërimet në poste kyçe, apo duke shkarkuar ata që nuk iu binden. Vox News ka siguruar të tjera informacione për “bëmat” e “Oktapodit të bordeve” ...

(Vijon ...)

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×