AKTI SOLEMN/ I Gjati zotohet t’i kushtojë më shumë vëmendje nevojave të jo-kryeministrave

 Kliko këtu për të tjera
Voxpress:

Tender firmës së përjashtuar - Ministria e Shëndetësisë përfshihet në skandal, ministrja Evis Sala drejt SPAK-ut?!

25 Maj 2026, 17:22Investigim SHKRUAR NGA REDAKSIA VOX
Ministrja e Shëndetësisë, Evis Sala

Ministria e Shëndetësisë është përfshirë në një skandal të paprecedentë, ku sërish problematikat janë hasur në bërjen e tenderave, një gangrenë e madhe që nga koha e Ilir Beqjas, Ogerta Manastirliut, Albana Koçiut e tashmë me Evis Salën.

Megjithëse ka pasur drejtues të ndryshëm, sërish ka një mori problematikash në këtë sistem mjaft jetësor, por që dita-ditës po lëngon, aq sa denoncimet në Onkologjik s’kanë të sosur.

Mungesa e barnave, e ambienteve apo edhe politikat mjekësore kanë qenë dhe janë problem që asnjë prej drejtuesve s’e merr mundimin që t’i zgjidhë, ndoshta nga grupet e tjera të interesit.

Vox News ka hulumtuar disa dokumente që hedhin dritë mbi këtë skandal, ku zyrtarët e kësaj ministrie i kanë dhënë një tender një firmë të përjashtuar. Një dosje e denjë për Prokurorinë e Posaçme, pasi këtu kemi të bëjmë jo vetëm me shkelje administrative, por edhe penale.

Tender firmës së përjashtuar - Ministria e
Dokument: Njoftimi i Agjencisë së Prokurimit Publik për shkeljet në Ministrinë e Shëndetësisë

Sipas dokumenteve që disponon redaksia jonë, Agjencia e Prokurimit Publik ka nxjerrë një dokument për verifikimin e një kontrate të Ministrisë së Shëndetësisë. Fillimisht u nis si një hetim administrativ i denoncuar nga një tjetër firmë që ka marrë pjesë në procedurë.

Bëhet fjalë për një kontratë për “mallra”, teksa APP shkruan se Ministria e Shëndetësisë ka kryer shkelje të rëndë. “Autoriteti Kontraktor ka lidhur kontratë bazuar në marrëveshjen kuadër, ndërkohë që nuk ka bërë verifikimet lidhur me përjashtimin e operatorit ekonomik nga e drejta për të fituar kontrata publike” thuhet në këtë dokument.

Në fund, APP vendosi të propozojë dhënien e masës disiplinore ndaj 3 personave, për shkeljet dhe mangësitë e konstatuara në vendim. Në dokument nuk jepen detaje të tjera se kush ishte firma që ka përfituar dhe ishte e skualifikuar nga tenderët, ndërkohë që masat janë vetëm sa për të “larë gojën”.

Së pari, nisur nga shkresa, këtu kemi të bëjmë me disa vepra penale, si shkelja e barazisë në tendera, shpërdorim detyre, të gjitha në bashkëpunim, pasi janë disa persona. Hetimet mund të shtrihen edhe te zinxhiri drejtues i ministrisë, pasi si ka mundësi që një ministri e tillë, me një ushtri zyrtarësh dhe punonjësish, të mos verifikojë dot nëse një firmë është përjashtuar apo jo nga tenderat.

Ndoshta, kjo është një dosje e denjë për Prokurorinë e Posaçme, e cila gjatë këtyre kohëve ka marrë të pandehur dhjetëra zyrtarë edhe për akuza më të lehta dhe shkelje më të lehta.

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016


Në përputhje me standarded JTI

Video

SHIKO KANALIN NE YOUTUBE
×