KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Aurela Gaçe reagon ashpër: Nuk jam pjesë e asnjë videoje të natyrës që po aludohet. Do marr masa për...

1 October 2026, 17:30Lifestyle SHKRUAR NGA REDAKSIA VOX
Aurela Gaçe reagon ashpër: Nuk jam pjesë e asnjë videoje
Aurela Gaçe

Këngëtarja Aurela Gaçe ka reaguar publikisht pas aludimeve që, sipas saj, kanë përfshirë emrin e saj në historinë e videove intime.

Përmes një reagimi në rrjetet sociale, Gaçe shprehet se nuk mund të heshtë përballë asaj që e konsideron shpifje dhe cenim të dinjitetit të saj. Duke mos përmendur emrin e Adrian Hilës,  Gaçe sqaron gjithashtu se bashkëpunimet e saj muzikore me autorë të industrisë janë marrëdhënie profesionale dhe, sipas saj, nuk i japin askujt të drejtën të sajojë histori për jetën e saj private.

“Nuk jam pjesë e asnjë videoje të natyrës që po aludohet. Çdo pretendim që më lidh me tilla përmbajtje është i pavërtetë”, shkruan këngëtarja në reagimin e saj.

Gaçe thekson se është bijë, nënë dhe bashkëshorte dhe se dinjiteti i askujt nuk duhet të kthehet në objekt përbaltjeje apo argëtimi publik. Ajo shprehet se nuk merr përsipër të gjykojë jetën private të të tjerëve, ndërsa deklaron mbështetjen e saj për gratë dhe vajzat që përballen me shpifje, poshtërim apo cenim të privatësisë.

Këngëtarja paralajmëron se nuk do të tolerojë përdorimin e emrit të saj në histori që i konsideron të sajuara dhe se, për çdo shpifje që cenon emrin dhe dinjitetin e saj, do të ndërmarrë hapat e nevojshëm ligjorë.

Reagimi i plotë i Aurela Gaçes:

Përshëndetje!

Ditët e fundit po shoh emrin tim të përfshihet në lajme e aludime të pabazuara. Përballë shpifjeve që cenojnë dinjitetin tim, nuk mund të hesht.

Bashkëpunimet e mia muzikore me autorë të kësaj industrie janë marrëdhënie profesionale. Ato nuk i japin askujt të drejtën të sajojë histori për jetën time  apo ta përdorë emrin tim për të nxitur thashetheme.

Dua të jem e qartë:

Nuk jam pjesë e asnjë videoje të natyrës që po aludohet. Çdo pretendim që më lidh me të tilla përmbajtje është i pavërtetë.

Jam bijë, nënë dhe bashkëshorte.

Dinjiteti i askujt nuk duhet të bëhet objekt përbaltjeje apo argëtimi publik.

Dinjitetin tim e kam shume të shtrenjtë dhe nuk lejoj askënd t'a përdhosë.

Edhe një herë! NUK LEJOJ ASNJË TË MË PËRBALTË .

Nuk marr përsipër të gjykoj jetën private të të tjerëve.

Jam në krah të çdo vajze e gruaje që përballet me shpifje, poshtërim apo cenim të privatësisë.

Nuk do të toleroj përdorimin e emrit tim në histori të sajuara. Për çdo shpifje që cenon emrin dhe dinjitetin tim, do të ndërmarr hapat e nevojshëm ligjorë.

Liria e fjalës nuk është liri për të shpifur.


Në përputhje me standarded JTI

Video

SHIKO KANALIN NE YOUTUBE
×