ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

“Arroganca vetëm i nxit protestat”, Albulena Haxhiu thotë se iu “shtrembërua” përgjigja për protestat në Shqipëri

19 October 2026, 17:20Politikë SHKRUAR NGA REDAKSIA VOX

“Arroganca vetëm i nxit protestat”, Albulena Haxhiu thotë

Kryetarja e Kuvendit të Kosovës, Albulena Haxhiu, ka pretenduar se qëndrimi i saj paraprak për protestat në Shqipëri është keqinterpretuar nga mediat në Kosovë.

Rreth fjalisë së saj ku përmendi arrogancën si faktor nxitës në dhunë, ajo theksoi se nuk i është referuar asnjë institucioni apo figure specifike politike në Shqipëri, por ka folur për qasjen universale që pushtetet duhet të kenë ndaj pakënaqësive qytetare.

“Po shoh që disa media e kanë shtrembëruar përgjigjen time për protestat në Shqipëri”, deklaroi Haxhiu përmes një postimi në llogarinë e saj në Facebook. “Kur kam thënë se arroganca vetëm i nxit protestat, kam folur për mënyrën si duhet t’u qasemi protestave në përgjithësi, me seriozitet dhe me gatishmëri për të dëgjuar”.

 

Gjithashtu, ajo ka hedhur poshtë pretendimet për pjesëmarrjen e organizuar të mbështetësve të Lëvizjes Vetëvendosje në protestat në Tiranë.

“Sa i përket pjesëmarrjes, dua të theksoj që asnjëherë nuk ka pasur thirrje nga Lëvizja Vetëvendosje që të mbështeten protestat. Nuk mund të mbahet përgjegjëse Lëvizja Vetëvendosje nëse mbështetësit e saj shkojnë e protestojnë në Tiranë”.


Në përputhje me standarded JTI

Video

SHIKO KANALIN NE YOUTUBE
×