Pushuesi pëson arrest kardiak në plazhin e Sarandës, humb jetën në spital

Një i moshuar ka ndërruar jetë teksa ishte duke pushuar në plazhin e Sarandës.

Policia e qytetit thotë se 78-vjeçari nga Memaliaj dyshohet të ketë pësuar arrest kardiak teksa po pushonte në plazh, në Lagjen Nr. 4 të qytetit.

"Sot, në lagjen nr. 4, Sarandë, shtetasi J. Xh., 78 vjeç, banues në Memaliaj, dyshohet se ka pësuar arrest kardiak duke pushuar në plazh dhe si pasojë ka humbur jetën në spitalin e Sarandës.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes", njofton policia.