ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

Mobilimi i zyrave, Bashkia e Tiranës përgënjeshtron Tedi Blushin

5 June 2025, 12:54Aktualitet SHKRUAR NGA REDAKSIA VOX
Mobilimi i zyrave, Bashkia e Tiranës përgënjeshtron Tedi Blushin
Tedi Blushi gjate nje proteste para Bashkise se Tiranes

Bashkia e Tiranës ka përgënjeshtruar deklaratat e bëra nga numri dy i Partisë së Lirisë, Tedi Blushi, lidhur me një tender për mobilimin e një zyre individuale apo për nevoja personale te funksionarëve te saj.

Bashkia e Tiranës thotë se në realitet bëhet fjalë për një procedurë të rregullt prokurimi, të zhvilluar nga institucioni në përputhje me të gjithë kuadrin ligjor përkatës për nevoja funksionale të disa institucioneve të varësisë të bashkisë.

“Deklaratat e bëra nga z. Blushi janë gënjeshtra dhe nuk mbështeten në asnjë dokument zyrtar apo fakt të provueshëm, duke u bërë kështu pjesë e një fushate të qëllimshme për dezinformim publik. Bashkia e Tiranës është dhe mbetet e angazhuar për të garantuar transparencë të plotë në çdo proces publik dhe i inkurajon të gjithë qytetarët dhe mediat që të verifikojnë informacionet përmes kanaleve zyrtare dhe të bazohen në burime të besueshme.

Përhapja e informacionit të pasaktë që cenon punën institucionale do të trajtohet me seriozitet përmes mekanizmave ligjorë të parashikuar nga ligji për të mbrojtur dinjitetin dhe integritetin institucional dhe në këtë kuadër do të shqyrtohen të gjitha rrugët ligjore për të sqaruar publikun”, thotë ndër të tjera në reagim Bashkia e Tiranës.


Në përputhje me standarded JTI

Video

SHIKO KANALIN NE YOUTUBE
×