KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Atentati në ‘Don Bosko’ dhe “Masakra e Sanatoriumit”/ Saga e vjetër e vrasjeve dhe armiqësisë mes Kasandër Nogës dhe Erjon Hasanbelliut

24 February 2024, 11:23Aktualitet SHKRUAR NGA REDAKSIA VOX
Atentati në ‘Don Bosko’ dhe “Masakra e
Erion Hasanbelli dhe Kasander Noga

Policia e Shtetit ka zbardhur detaje të reja nga ngjarja e rëndë e ndodhur dy vite më parë, e cilësuar si Masakra e “Don Boskos”, ku mbeti i vrarë Erion Çela dhe u plagosën katër të tjerë.

Sipas policisë Kasandër Noga dhe Kevin Suçi paguan për vrasjen e shtetasit Gerion Hasanbelliut, i cili ishte objektivi i atentatit, por ekzekutorët ngatërruan objektiv duke vrarë Erion Çelën.

Gjykata vendosi masë arrest me burg për Kasandër Nogën, i cili ndodhet i burgosur në Belgjikë.

Përplasja e tyre e parë e madhe do të datonte në vitin 2000, në atë që njihet si “Masakra e Sanatoriumit”.

Aty, ku në dhomën e një spitali fillon edhe përgjakja e betuar deri në vdekje midis dy rivalëve.

Më 19 gusht të vitit 2000 rreth orës 16.00 Kasandër Noga dhe Julian Çela, u futën me automatik në duar në spitalin e Sanatoriumit në Tiranë dhe pasi u hoqën serumet nga krahët, vranë mizorisht Aqif Hasanbellin, babain e Erion dhe Geron Hasanbellit dhe Dritan Hajdinin, shokun e Geronit. Si edhe lanë të plagosur, Agron e Gentian Hasanbellin dhe Lavdosh Karaj

Ngjarje e rëndë e cila vinte dy javë pasi në Patos, Kasandër Noga ishte konfiktuar me Gentianit, vëllain e Erion dhe Geron Hasanbellit, por që do të ishte edhe sipari i një hakmarrje të gjatë dhe të pambarimtë tashmë midis Kasandër Nogës në njërin krah dhe vëllezërve Hasanbelli në krahun tjetër, të cilët tashmë betimin për t’u hakmarrë do ta zhvendosnin nga Tirana në Belgjikë.

Më herët, Kasandër Noga, dyshohet se kishte kryer edhe dy vrasje të tjera.

Armiqësia e vjetër midis të dyve shpërtheu në vitin 2022 në Belgjikë në një atentat të dështuar që solli plagosjen e Hasanbelliut  dhe prangosjen e Nogës.

Ky i fundit i dënuar më herët nga drejtësia shqiptare dhe i larguar nga Shqipëria në mbyllje të 18 viteve burgim për masakrën e Sanatoriumit, ku vrau Aqif Hasanbelliun, babain e Erion Hasanbelliut si dhe Dritan Hajdinin.

Vrasjet nga Shqipëria në fakt u zhvendosën në Belgjikë aty ku Erion Hasabelliu ekzekutoi Julian Çelën bashkautor me Nogën në masakrën e sanatoriumit. Për këtë krim Hasanbelliu po gjykohet në Shqipëri sipas letërporosive belge, por për te cilën drejtësia nuk ka prerë fletë arreste.

Për Erjon Hasanbelliun drejtësia ka shkundur dosjen pasi në mars 2022 Gjykata e Lartë ka shfuqizuar vendimet e pafajësisë për të dhe e ka ridërguar për gjykim në gjykatën e Apelit Vlorë. Ai akuzohet për vrasjen e Julian Çelës dhe plagosjen e rëndë të Kasandër Nogës.

Për këtë atentat në Belgjikë ku shënjestër ishte edhe Kasandër Noga, dëshmuan Elena Bekerman dhe të tjerë që gjendeshin në barin ‘prehistori’. Për këtë dosje gjykata e Apelit kishte dhënë pafajësi për Erjon Hasanbelliun, ndërsa Gjykata e Lartë vlerëson se gjykatat më të ulëta ishin kontradiktore dhe me mangësi te theksuara në arsyetim përderisa provat ndaj tij ishin dorëzuar nga drejtësia belge.

Dosja për Erjon Hasanbelliun po rigjykohet në mungesë mbi akuzën e vrasjes me paramendim për gjakmarrje të Julian Çelës dhe të mbetur në tentativë ndaj Kasandër Nogës. Nuk dihet ende se përse prokuroria nuk ka kërkuar masë sigurie.


Në përputhje me standarded JTI

Video

SHIKO KANALIN NE YOUTUBE
×