Gjykata Kushtetuese shqyrton sot kërkesën e PD për shfuqizimin e Bordit të Ushqimeve

Gjykata Kushtetuese do të mbajë sot seancë për të shqyrtuar padinë e PD për shfuqizimin e Bordit të Ushqimeve. 

Deputeti Dashnor Sula që dorëzoi padinë thoshte se kërkonte shfuqzimin pasi sipas tij u ngrit për të mbrojtur qytetarët dhe nuk ka funksionuar, por çmimet kanë njohur vetëm rritje.

Bordi i ushqimeve hyri në fuqi më 1 prill dhe detyra ishte monitorimi i çmimeve të produkteve të shportës dhe përcaktimin e marzheve të fitimit të bizneseve të këtij sektori.

Në 6 shtator të këtij viti, 29 deputetë të Grupit Parlamentar të PD, iu drejtuan Gjykatës Kushtetuese me kërkesë edhe për shfuqizimin e Bordit të Transparencës për çmimet e karburanteve.