Erion Veliaj mbetet në burg

Gjykata e Posaçme e Apelit ka rrëzuar kërkesën e kryebashkiakut të Tiranës, Erion Veliaj, për t’u liruar nga qelia.

Ndaj Veliajt është vendosur të mos ndryshohet masa e sigurisë, “arrest me burg”.

Ndërkohë, masa e sigurisë “arrest në burg”, e vendosur në shkurt të këtij viti nga Apeli i Posaçëm më 13 mars, është në shqyrtim edhe në Gjykatën e Lartë.

Erion Veliaj u arrestua më 10 shkurt, i akuzuar për “korrupsioni pasiv” në 9 raste dhe “pastrim parash”.

SPAK i ka shtuar së fundmi edhe një akuzë tjetër Veliajt, atë të “fshehjes së pasurisë”.